Eike as nuch ai 60 iir üülj - likewälj wus jü iinjsen bai Cafe 60; än dåt stuk snååk heet har bili tusäid. Cafe 60? Dåt as en meeklik seelschap bai kafe än kååge. Arke jarste weensdi önj e moune kaame lasoomte foon Friisk Foriining tuhuupe, wat åler as 60 iir san. "Üülj" san ja ai; da wan wat belaawe. As Eike frååged, wat besuners bai Cafe 60 as, heewe maning säid, dåt ja unerwäis wan. Deeram stoont wälj as näist en ütfluch awt program.