Í dag ætlum við að fjalla um dularfullt fyrirbæri sem kallast The Glimmer Man. Við viljum taka fram að það var mikill galsi og gleði í þessari upptöku! En okkur þykir bara svoooooo gaman að taka svona undarleg mál fyrir og erfitt að vera ekki í smá hláturskassti á meðan...EN

The Glimmer man er heiti sem sumir nota yfir yfirnáttúrulega veru eða skugga sem fólk segist hafa séð, en sem er ekki alveg sýnilegur. Fólk sem lýsir The Glimmer Man segir oft að fyrirbærið líti út eins og mannslaga skuggi sem er gegnsær en með glóandi augu.

Það eru margar kenningar um hvað þetta gæti verið. Sumir halda að þetta séu andar eða aðrar yfirnáttúrulegar verur. Aðrir telja að um geti verið að ræða geimverur með háþróaða tækni sem gerir þær ósýnilegar. Enn aðrir nefna möguleikann á verum úr annarri vídd. Hins vegar eru engar vísindalegar sannanir sem styðja þessar hugmyndir.