「友誼綿綿無盡你共我縱使分兩岸，此心也永跟你共往遠遠的那方。」

呢幾日每當有人like我地呢個page既時候，我就會有少少揪心，因為其實明天就係我地80後吱吱噚既最後一集。

雖然唔捨得啦，但因為自己既工作實在好忙，而且又唔定時，所以就決定完左13集之後就停，因為都唔想影響節目既進度。

我想講既係，由第一集我地個個好似新聞報導員咁拘謹，到而家bilibala做回自己嘈嘈閉，我覺得我地有好大既進步。開始既時候搵方向想迎合聽眾，到最後才發現做回我地自己先至係最可愛。

雖然都仲有人話唔會聽我地個節目，不過坦白d講句：who cares?因為你既態度唔影響我既快樂，我覺得，我地盡過心，呢一點已經好值得為自己鼓掌。

感激那些肯俾時間我地呢個節目成長既人，同埋多謝你地既支持同鼓勵。我地唔係專業，只不過希望可以簡簡單單咁俾聽眾一個小時既輕鬆快樂，希望你地會享受呢一個鐘既快樂時光。

好嘞，聽日嗰集會係「假如你只剩下一天」，我地會輕輕鬆鬆的談一下死亡，明天見嘞！