Бүгінде өзін «ағартушымын» деп айта алатын бір қазақты көрмедік. Тіпті, салмағы ауыр бұл сөз архаизмге айналып кеткендей. Асхат Еркімбай болса, тап осы сипатқа тұрарлық тұлға. Ол сұхбатта өзін «ағартушымын» деп асқақтатпай, «эдукейтермін» деп ағылшынша сыпайы қайырды.

----more----

Ол Жезқазғаннан бала арманын арқалап, Алматыға келеді, одан әрі мұхит асып, академиялық білім алып, ғылыми машықтарын арттыру үшін Америкаға аттанады. Әлемде беделі зор «Muskie» шәкіртақысын ұтып алады. Қазақтілді оқырман мен журналистердің басын біріктірген алғашқы блог-кэмптерді ұйымдастырады, жастарға блоггинг түсінігін практика жүзінде көрсетіп, үйретеді. Күні бүгінге дейін замандастарынан қолдау тауып, 100-ге жуық TED дәрістерін қазақ тіліне аударып үлгерді, өңірлік координатор атанды. Дата журналистикаға деген ерекше ықыласының арқасында дата журналистердің жаңа толқынын дайындауда.

Ұстаз әрі медиа ағартушы Асхат Еркімбаймен әңгімемізді тыңдауға шақырамыз. Иә, біз «ағартушы» сөзіне жаңа леп беріп, қоғамның ілгері дамуына үлесін қосып жүрген жас ұстаздарды неге солай атамасқа деп ойлаймыз?

Подкаст жүргізушіcі: Зарина Буенбаева

Дизайн: Мариям Тоқанова 

Music: muhammedyez

----more----