平常人悶嗰陣會碌電話、煲劇打發時間，但今集《8Tpod》嘅嘉賓，無聊嗰陣嘅消遣竟然係——去學一種新語言？！🫣

薛梅同草步子今集請嚟一位不折不扣嘅「天才音樂少女」Carina！話佢係天才真係一啲都冇誇張，年紀輕輕嘅佢除咗已經精通 5 種語言，仲話只要一有時間，連第 6 種想學嘅語言都已經 Plan 好！除咗語言天份爆燈，佢精通嘅樂器數量更加多到數唔晒！🎹

咪以為天才嘅音樂路一定一帆風順，Carina 話原來自己 6、7 歲嗰陣，曾經親手放棄過學鋼琴！直到升上 Grade 9，佢決定未來要走專業音樂呢條路，先發現鋼琴原來係所有音樂嘅根基，於是憑住極強嘅毅力重新練起！🎼

大學主修音樂教育、畢業後創辦個人 Studio 教人彈琴同唱歌嘅 Carina，喺節目中大方分享自己嘅教學心態。好多家長成日問「仔女唔肯練琴點算？」，Carina 坦言學樂器從來都唔係靠「逼」出嚟：

「要先令到佢哋有興趣，畀佢哋彈自己鍾意嘅歌；當佢哋親手彈到出嚟嗰刻，嗰份成就感自然會驅使佢哋繼續練落去！」🎶

今集《8Tpod》薛梅同草步子請嚟上一集小云老師嘅另一半——音樂人 甯浩基 Samson 老師！🎹🎙️

圈內公認極度恩愛、形影不離嘅一對，為咗防止主持同觀眾被現場「閃盲」，《8Tpod》決定將佢哋分開兩集專訪！但聽完 Samson 老師嘅自白，先發現呢個「音樂宅男」背後，竟然藏住無數超反差嘅熱血同浪漫故事！

Samson 坦言自己性格極度內斂同「摺」，當年連搵工都揀咗份最隱形嘅職位——喺商業電台負責將資料入 System 存檔！摺到連台內有同事都唔知呢個 Department 嘅存在，完美符合佢嘅避世哲學。但令人跌破眼鏡嘅係，咁「摺」嘅佢竟然喺美國參加《新秀歌唱大賽》出道！當年每次上台前都要對住鏡「自我催眠」狂背「我好勁」，甚至多年嚟每次演出前都依然會緊張到胃痛，直至年幾前，佢終於頓悟咗一個令自己釋懷嘅道理…… 🎙️

「只要好想完成一件事，我就會去學晒嗰件事所需嘅所有技能！」因為熱愛音樂，佢自學作曲同編曲；而最化算又最浪漫嘅技能——就係直接娶咗小云老師做專屬填詞人！看似搞笑，背後卻係一場跨國大冒險：當年 Samson 兩度飛過嚟加拿大「搶妻」，經歷重重考驗先成功抱得美人歸，過程極度轟烈！💍❤️

為咗下一代移居加拿大重新出發，Samson 形容而家係自己人生中最「唔摺」嘅階段。近年佢積極同本地不同單位合作、大搞各種音樂演出，最終目標就係希望連結一班 Local 音樂人，喺海外建立一個屬於廣東歌嘅 Community，令優質嘅廣東話音樂能夠繼續遍地開花！🍁🎶

今集《8Tpod》薛梅同草步子請嚟一位氣質滿滿嘅才女嘉賓——小云老師（Anita）！

好多人認識小云老師，都係透過佢細膩感人嘅歌詞作品。但除咗填詞人呢個身份之外，佢私底下其實係一個不折不扣嘅資深幼稚園老師！正如草步子所講，無論由衣著打扮、溫柔談吐，定係面對自己個仔「食咗兩隻蟻」嗰種神級淡定嘅處理手法，完全由內至外證明咗：佢天生就係做老師嘅料！🐜😂

面對小朋友突發狀況可以處變不驚，小云老師坦言呢份「冷靜」，其實同自己細個習慣壓抑情緒有關係。長期習慣將情緒收埋，對心理健康造成負擔；幸好遇上生命中嘅另一半，溫柔咁提醒佢：「其實你都可以唔開心，你可以隨時表達出嚟。」一句說話，成為治癒佢內心最重要嘅解藥。🫂

講起另一半，兩人不單止恩愛合拍，一個作曲、一個填詞，早前仲一齊玩咗個極具挑戰性嘅音樂 Project——《歌之碎片》！佢哋坐低聽陌生人分享真實嘅人生故事，然後即席現場為對方作曲填詞，將故事化成獨一無二嘅專屬歌曲！看似不可能嘅即興任務，小云老師竟然大呼「超好玩」！🎹✍🏼

今集《8Tpod》薛梅請嚟舞台劇創作人兼演員 陳慧心（MayMay），坐低暢談由劇團行政走到創作《女煮人》嘅心路歷程！

中學時期睇學校巡迴劇，被台上演員「同步呼吸」嘅震撼深深吸引，從此種下一粒對舞台劇狂熱嘅種子！

即使早年移民加拿大，依然想報讀本地 Drama，卻因語言障礙而猶疑；最後毅然返香港考入演藝學院（APA），畢業後更親自組劇團、做巡迴劇，最巔峰一年足足跑咗三百幾場！

一年跑三百幾場學校巡迴劇，看似滿足，但 MayMay 形容過程其實極似「藝術行政」——每日花喺寫 Proposal、寫 Report 嘅時間，竟然遠遠多過企喺台上純粹做戲嘅時間！兩年前佢毅然按下暫停鍵，決定跳出框架，回歸初心做自己嘅「女煮人」！📑🎭

今次《女煮人》世界巡迴嚟到第 3 站 多倫多公演！MayMay 重新編寫劇本，打破傳統舞台劇嘅「第四面牆」，將所有情感與訊息毫無保留直接拋畀現場觀眾！🍷🔥

《女煮人》最核心嘅信念只有一個——Cook Your Life！「鑊鏟喺我自己手，落鹽定落糖、落咩調味料我自己最清楚，我"煮咗"我嘅人生！」🧂🥄

如果你都想近距離感受May May嘅味道，9 月 13 號多倫多 Rivoli 見！

🎟️ 【《女煮人·一鑊熟》世界巡迴 第三站🇨🇦Toronto Special 4D Stand Up Drama 購票傳送門】

📅 日期：2026 年 9 月 13 日

⏰ 時間：14:00 & 19:00（兩場公演）

📍 地點：The Rivoli (Downtown Toronto)

👉🏼 立即購票：https://www.eventbrite.ca/e/cook-your-life-with-may-may-chan-toronto-edition-tickets-1996530141398

今集《8Tpod》薛梅同草步子請嚟一位自帶神秘同驚喜嘅嘉賓——專業魔術師 Magic Henry！

細細個喺電視睇到人玩魔術就一見鍾情！喺網絡仲未普及嘅年代，Henry 不惜喺魔術舖高價買道具、買書同 DVD 返屋企苦練，撞過無數次版，全憑一股對魔術嘅純粹熱愛！📖

以前喺香港做過《南華早報》同《路透社》，將魔術當副業嘅佢，竟然玩到被邀請出席天皇巨星個女嘅生日派對表演，甚至登上豪華郵輪演出！移居加拿大後，佢毅然將副業變正職，仲開辦咗魔術學校。雖然開校無耐撞正 Covid，但反而因禍得福，開拓咗世界各地嘅線上學生網絡！🚢

魔術最美妙嘅地方，就係觀眾永遠唔會知道你下一步做乜！Henry 大爆行內心態：就算失手跌咗隻白鴿出嚟，只要處變不驚、好自然咁執返擺埋一邊，觀眾根本唔會知道你失誤！🕊️😂

原來喺魔術圈入面，所有魔術效果歸納起嚟只有 19 種（變色、變出、變走、移位等）。點樣將呢 19 種基本效果化成令人震撼嘅表演？全靠魔術師不斷推陳出新、用創意包裝！💡

想親身感受 Magic Henry 嘅現場魔術魅力？嚟緊 9 月 19 號佢將會喺 Fairview Theatre 舉辦【奇幻魔術節】，有得睇之餘仲有得即場學魔術！

《8Tpod》Special Episode 第二彈隆重登場！🎉 今集薛梅同草步子請嚟重量級嘉賓 ——林一峰（Chet Lam）！阿梅同阿草以前喺電台都分別訪問過一峰，今次老朋友相聚，三人一坐低即刻「雞啄唔斷」，大談內心世界同生活點滴！

一峰在節目中毫不保留，坦率分享當年同前夫領養兩位小朋友後，發現彼此未能繼續走落去而決定分開的心路歷程。如今一人照顧一個小朋友，一峰坦言完全冇後悔：「就算畀我重頭嚟過，我仍然會選擇同一條路，因為我好愛依家嘅自己。」👨‍👦

身為全職老竇，一峰極度抗拒食外賣，屋企嘅一日三餐全部親力親為包辦！睇佢喺節目入面隨口就能編排出一星期完全唔重複嘅健康餐單，就知佢對煮食同照顧屋企有幾咁熱愛同講究！🍳

照顧小朋友之餘，一峰嘅音樂步伐從未停步。過去一年佢將自己 30 多首經典作品精心 Consolidate、親自翻譯成英文並重新錄音，打造全新專輯《Moving Still》！今集佢仲現場自彈自唱咗《一支煙的時間》英文版，真係聽到全場陶醉！🎶

想親身感受一峰嘅現場魅力？嚟緊 9 月 6 號佢將會喺 Downtown The Rivoli 舉行《Moving Still》多倫多發佈演唱會，門票現已公開發售，千祈唔好錯過！

最後仲要特別多謝一峰即場幫《8Tpod》抽塔羅牌算命睇前程！希望承你貴言，我哋盡快搵到金主！🔮✨

小醉心電台廣播、由幕後一步一步做到人氣主持，入行足足 18 年嘅前電台 DJ 梁健恆（Laurence），今集做客《8Tpod》！

世界真係好細，原來當年阿梅陀緊大仔嘅日子，正正就係 Laurence 入職電台嘅時候！兩位老朋友一坐低，除咗話當年之外，話題更直奔「中年危機」嘅真實體會！

步入中年，肺活量明顯大不如前！Laurence 分享自己原本打算靠踢波練氣，點知一落場踢波，反而更加深刻感受到身體機能真係「大不如前」，引起阿梅極大共鳴！⚽

望住大氣電波中嘅聽眾年齡層越嚟越年長、聽眾結構逐漸轉變，Laurence 坦言有感今時今日嘅電台已唔單純係「傳媒」，而係變成一種「服務行業」去 Serve 同陪伴聽眾。亦正正係呢種心態，令佢萌生咗想走入社區、服務更大群體嘅念頭，最終毅然跨界決定參選！🏛️

結婚足足 12 年，Laurence 同太太 Amy 依然恩愛如昔，人前人後不停放閃！今集佢大方分享二人保鮮嘅相處之道，仲深情透露喺佢心目中，太太究竟係一個點樣嘅存在？💖

今集《8Tpod》薛梅同小瑜請嚟物理治療師 —— Elli！同為 80 後嘅 Elli 同阿梅一樣樣貌凍齡、極具少女感，原來背後嘅保養秘密唔單止係 Keep 住做運動，更加同平日嘅「體態與姿勢」息息相關！🤕

就算係專業物理治療師，遇上傷患一樣要乖乖聽身體話。Elli 在節目中大方分享自己早前受傷嘅真實經歷，令佢深刻體會到康復過程真係「欲速則不達」，就算掌握幾多專業技術，身體修復都需要時間，急都急唔嚟！💡

Elli 今集同大家分享咗好多極實用嘅專業知識同貼士：👉🏼 點解越接近「更年期」，身體組織康復嘅時間就會越長？👉🏼 到底乜嘢係「五十肩」？成因同徵兆係點？👉🏼 點樣喺日常生活中做到「預防勝於治療」，避免關節勞損？

三位 80 後女士坐埋一齊，大談步入「初老」嘅身體徵象與心態轉變！面對歲月流逝，到底點樣先可以由內至外保持心境年輕、活得自在？🌸

由今個星期開始，《8Tpod》將會不定期推出 Special Episodes 🌟！我哋會全面擴大受訪對象，邀請更多唔同領域嘅嘉賓，為大家帶嚟更豐富、多元嘅資訊同深度訪談！

作為 Special Episode 嘅第一炮，我哋非常有幸邀請到香港歌手 顏米羔 嚟到節目！🎉

在今集訪問，米羔毫無保留地同我哋分享咗：👉🏼 塑造佢性格同埋心態嘅人生觀👉🏼 陪伴佢成長、對佢音樂創作影響深遠嘅音樂啟蒙👉🏼 個人最新作品《子虛烏有》背後嘅創作故事與拍攝點滴👉🏼 展望未來，佢喺音樂路上嘅新方向與目標

想了解更真實、更立體嘅顏米羔？即刻睇今集精彩訪問！

🎬【顏米羔 - 《子虛烏有》 Official Music Video】👉🏼 https://www.youtube.com/watch?v=vKUvTu_WPH8

今集《8Tpod》薛梅同草步子請嚟嘅嘉賓——Silian！佢唔單止係初代 YouTuber，用極特別方法教書嘅數學碩士，仲曾經擔任張學友巡迴演唱會嘅和音，更加係一位拒絕公式化嘅音樂創作人！

大學初期嘅 Silian 曾經休學一年去 Backpacking，返嚟重新選擇時，純粹覺得「冇乜女仔讀」夠晒型而揀咗數學系！點知讀讀下真係被數學深層嘅邏輯吸引，發現讀數可以了解到世界嘅真理，最後仲一路讀到碩士畢業！

阿梅同 Silian 原來相識於微時，細個仲一齊做過 Mall Show！阿梅大爆當年對佢印象超深刻，因為喺人人人手一部手提電話嘅年代，Silian 竟然仲用緊 Call機，背後原因純粹係因為「長情」？！

自認性格「摺埋」嘅佢，當年竟然跟隨張學友跑咗 84 個城市、足足唱咗 146 場巡迴演唱會！做做下音樂人佢轉去教書，因為唔想小朋友對數學失去興趣，佢開始拍微電影，用數學嘅 Theory去解釋愛情難題——「暗戀應唔應該追？」、「有幾個選擇時追邊個好？」甚至連「第三者問題」都可以用數學解釋得清清楚楚！

一個咁理性、咁叻計數嘅人，偏偏喺多倫多組 Band、出 Full Live Band 嘅黑膠唱片，仲要開自己嘅音樂會！究竟呢件事喺佢角度理唔理性？佢又係點樣形容佢嘅音樂夥伴 Victor 呢？