Өмнөх хичээлээр Даниел номны есдүгээр бүлгийг бид судалж дуусгасан билээ. Энэ бүлэг бол залбирал болон эш үзүүллэг гэсэн хос сэдэвтэй бүлэг гэдгийг бид сурсан. Харин өнөөдөр бид Даниел номны шинэ нэгэн бүлгийг уншиж сурч эхлэх гэж байна. Энэ бол Даниел 10-р бүлэг. Даниел номны төгсгөл маш их ойртсон байна. Тиймээс энэ 10-р бүлэг ямар учиртай, юуны тухай өгүүлэхийг миний хувьд сонсох гэж ихэд тэсэн ядан хүлээж байна. Энэ нь бас л Даниелд өгөгдөх нэгэн үзэгдэл эш үзүүлэгтэй лавтай холбоотой гэж таамаглаж байна. Учир нь Даниел номны агуулга өөрөө Даниелийн амьдралд тохиолдсон түүхэн үйл явдал болон түүнд өгөгдсөн үзэгдэл эш үзүүллэгүүдийг багтаасан байна. За хамтдаа энэ 10-р бүлгийг судлах аяндаа гарцгаая.