A Gruta de Gizamaluke

Chegou ese día, o día da despedida. A Gruta de Gizamaluke remata logo de 216 programas e unha chea de conversas e boas lembranzas.

Volveremos? De seguro que algún día si, mais toca descansar, durmir, pechar a porta da cova e xa se verá que trae o tempo.

Grazas por estardes aí sempre, desde o inicio. Este falangullo sempre será un lugar seguro, unha casa e un faro nas tebras. Apertas, de corazón.

Imos co penúltimo capítulo da tempada, un capítulo onde comentamos dúas das conferencias máis importantes do verán como foron as de Microsoft e o Summer Game Fest. Nostalxia de E3? Pois si, non imos agochalo.

Seguimos falando da industria dos videoxogos, das súas obras, das súas cousas, das nosas vidas.

O equipo non comeza ao completo, pero acaba xuntiño. Charlie, Sara, Ana e Juan percorrendo as ondas dixitais.

De novo aquí estamos, cumprindo o obxectivo con marzo e facendo doblete mensual.

Falamos de DLCs, de Rise of the Ronin, de Nintendo Switch 2 (?) e dalgunhas outras cousas neste novo capítulo.

Graciñas por escoitar (e ver!)

Apertas!

Pois alá imos, seguimos avanzando e comentando as cousas que pasan este ano 2024!

E que sinalamos? Palworld, Final Fantasy VII Rebirth, Xbox sacando xogos en PlayStation... esas cousiñas.

Primeiro programa do ano 2024, chegamos até unha nova cifra, chegamos na sexta tempada até limites insospeitados!

Falamos, como non, de videoxogos e esas lerias, da industria, da conservación das obras dixitais, do novo Prince of Persia, algo de Elden Ring, de Ubisoft... o típico e básico!

Vémonos, coma sempre, tamén no YouTube (Aínda que desta vez, coido que en dúas partes)

De novo aquí, na trincheira dixital, nas ondas visuais, no YouTube, facendo un falangullo sobre videoxogos.

Podedes imaxinar de que imos falar: GOTYs, GTA VI, Fntastic etcétera.

O derradeiro programa do ano vén con conversas e sorrisos, mesmo con 'face reveals' que tanto prestan. Boas festas, xente! Entrade ben e mellor que ben no 2024.

Coa equipa ao completo, o que inclúe a volta de Sara, comeza de xeito oficial a nova tempada da Gruta de Gizamaluke.

Non tivemos todas as cámaras, pero podía ser peor. De novo, falamos de videoxogos: Marvel's Spider-Man 2, Baldur's Gate 3, os GOTY, o GTA VI... e máis.

Cada mes, en todas as plataformas habituais de audio (Spotify, Ivoox...) e agora, tamén, no YouTube.

Nova tempada, novo formato, novas conversas.

A tempada 6 trae versión en vídeo, mais non esquece o audio polo camiño.

Agora iremos con menos temas, pero máis palabras para cada un. Desta vez tocou falar do FF XVI, do Blasphemous 2 e un pouquiño (bastante) de como estamos a ver a industria dos videoxogos e as súas comunidades.

FINAL DE TEMPADA! Chegamos ao mes de xullo algo cansos, non imos mintir. Comezamos este camiño con outras cargas laborais e persoais, mais aquí seguimos, tratando de manter a nave no aire e a gruta limpa.

Graciñas por seguirdes, por escoitar este falangullo coas orellas abertas e por todas esas mensaxes que van quedando no Discord. Querémosvos!

Vémonos en setembro, coma os bos rencontros.