Martin Chalfie non tería gañado o premio Nobel de Química sen os estudos que fixo Osamu Shimomura nos anos 60, cando recolectou máis de 10.000 exemplares dunha medusa que emitía luz verde. Conseguiu illar unha proteína desta medusa que emitía luz, pero o resultado foi totalmente inesperado: era luz azul! Decatouse de que debía haber outra proteína nesa medusa para existir esoutra luz fluorescente verde.