आदि शंकराचार्य अष्टकम 

विदिताखिलशास्त्रसुधाजलधे 

महितोपनिषत कथितार्थनिधे 

हृदये कमले विमलं चरणं 

भव शंकर देशिक मे शरणं !! १!! 

करुणावरुणालय पालय मां 

भवसागरदु:ख विदूनहृदम 

रचयाखिलदर्शनतत्त्वविदं 

भव शंकर देशिक मे शरणं !! २ !! 

भवता जनता सुहिता भविता 

निजबोधविचारण चारुमते 

कलयेश्वरजीवविवेकविदं 

भव शंकर देशिक मे शरणं  !! ३ !! 

भव एव भवानिति मे नितरां 

समजायत चेतसि कौतुकिता 

मम वारय मोहमहाजलधिं 

भव शंकर देशिक मे शरणं  !! ४ !! 

सुकृतेsधिकृते बहुधा भवतो 

भविता समदर्शनलालसता 

अतिदीनमिमं परिपालय मां 

भव शंकर देशिक मे शरणं  !! ५ !! 

जगतीमवितुं कलिताकृतयो 

विचरंति महामहसश्छलत: 

अहिमांशुरिवात्र विभासि गुरो 

भव शंकर देशिक मे शरणं  !! ६ !! 

गुरुपुंगव पुंगवकेतन ते 

समयामयतां नहि कोsपि सुधी:  

शरणागतवत्सल तत्त्वनिधे 

भव शंकर देशिक मे शरणं !! ७!! 

विदिता न मया विधदैककला 

न च किंचन कांचनमस्ति गुरो 

द्रूतमेव विधेहि कृपां सहजां 

भव शंकर देशिक मे शरणं  !! ८ !! 

!! इति श्रीमत तोटकाचार्य विरचितं श्री शंकर देशिक अष्टकं संपूर्णम !!