प्रधानन्यायाधीश चोलेन्द्रशम्शेर जबराको पछिल्ला कदमहरुलाई लिएर सर्वोच्च अदालतका न्यायाधीशहरु दुई धारमा देखिएका छन् । प्रधानन्यायाधीशको शृंखलाबद्ध विवादित कदमका कारण न्यायालयप्रतिको आस्था र गरिमामाथि चोट पुगेको भन्दै न्यायाधीशहरुले असन्तुष्टि जनाएसँगै सर्वोच्चको नियमित काम कारबाही समेत प्रभावित हुने देखिएको छ । संवैधानिक नियुक्ति र मन्त्रिपरिषदमा भागबण्डा मागेको, न्यायलय सुधारका लागि चासो नदिएको तथा संवैधानिक बहसका मुद्दामा सुनुवाइ अलपत्र पारेकोलगायत आरोपमा प्रधानन्यायाधीश जबराको तीव्र आलोचना भइरहेको छ ।