ဒီနေ့မှာတော့ Raththam ဆိုတဲ့ တမီလ်ရုပ်ရှင်ကားကို ညွှန်းပေးဖို့ စိတ်ကူးထားပါတယ်။ သိပ်မကြာသေးခင်ကမှ ထွက်ထားတဲ့ဇာတ်ကားလေးပါ။

မှုခင်းနဲ့ နိုင်ငံရေးကို အခြေခံထားတဲ့ဇာတ်ကားဖြစ်ပါတယ်။ ဒီဇာတ်ကားကို အခန်းကဏ္ဍ ၃ ခုခွဲပြီး တင်ဆက်ပေးပါမယ်။

အခန်း(၁)က သတင်းလုပ်ငန်းစဉ်နဲ့ သတင်းသမားတစ်ယောက် ဖြတ်သန်းနေရပုံ ဖြစ်ပါတယ်။

အခန်း(၂)ကတော့ ဒီဘက်ခေတ်ထဲမှာ အဓိကရုဏ်းဖြစ်စဉ်တွေကြီးတွေကို ဘယ်လိုနည်းလမ်းနဲ့ ပုံစံတကျ အကွက်ချဖန်တီးသလဲဆိုတာပါပဲ။

အခန်း(၃)က အဓိကရုဏ်းဖြစ်စဉ်ကို ပါးနပ်စွာ အခင်းအကျင်းလုပ်ဖို့ ဘယ်လိုပညာရှင်တွေကို သုံးထားသလဲနဲ့ နောက်ကွယ်မှာ ဘယ်သူတွေ ရှိနေတတ်သလဲကို ဒီဇာတ်ကားက ပါးပါးနပ်နပ်နဲ့ ပြသသွားခဲ့ပါတယ်။

ဇာတ်လမ်းအစမှာ ဇာတ်လမ်းက အနည်းငယ် လေးအီသလို ရှိပေမယ့် မိနစ် ၃၀ လောက် ကျော်လွန်သွားတာနဲ့တပြိုင်နက် ဇာတ်လမ်းအဆုံးကို ရောက်တဲ့အထိ ဆွဲခေါ်သွားပါလိမ့်မယ်။

ဇာတ်လမ်းဇာတ်အိမ်ကို သေသေချာချာ တည်ဆောက်ထားတယ်လို့ ပြောနိုင်တဲ့ဇာတ်ကားပါပဲ။

တမီလ်ဇာတ်ကားတွေရဲ့ထုံးစံအတိုင်း တချို့ဖိုက်တင်ခန်းတွေကို ပရိသတ်အကြိုက်ဖြစ်အောင် မင်းသားအစွမ်း အံ့မခန်းအဖြစ် ရိုက်ကူးတင်ဆက်ထားတာလေးတစ်ချက်လောက်ကိုပဲ အားနည်းချက်အဖြစ် ပြောပြချင်ပါတယ်။