آخر نقطة شمس

كنت ميت غصب عني

من تابوتي طلعتلك

قلبى كان رافض يغني

من وراه جيت قولتلك

شمس غير الشمس ديه

بين عيونك متداريه

كل ما ألقى الليل قصادي

الحيطان بتدوس عليا

نفسى مرة لما أنادى

تلمسي بنورك عينيا

تسرقيني من كياني

تخلقيني حد تانى

حد مش مخلوق لجرحه

حد بيعاند ظروفه

بس لو صارحك بخوفه

ضحكتك تقدر تسامحه

حد لما بتندهيله

خطوته بتسبق شفايفك

رغم حزنه و رغم ليله

لسه جوه الحلم شايفك

--------------------------------

كلمات والحان : انطونيوس نبيل

توزيع : فادي كامل