Որովհետև պատերազմդ խոհեմությամբ կանես, և հաջողությունը խորհրդականների շատությունով կլինի:

Առակաց 24.6

Պատերազմ ասելով՝ մենք, սովորաբար, հասկանում ենք հարձակում, ագրեսիա, հակառակություն, բայց Աստծո Խոսքն ասում է. «… պատերազմդ խոհեմությամբ կանես»: Միգուցե դուք երբևիցե չեք լսել այդպիսի պատերազմի մասին: Նայե'ք Հիսուս Քրիստոսի կյանքին: Դուք կարող եք օրինակ վերցնել Նրանից, որովհետև Նա, իրականում, խոհեմությամբ հաղթեց Իր պատերազմը:

Այսօրվա կյանքը մարդկանց ստիպում է մեկուսանալ: Միգուցե հասարակության մեջ, աշխատանքի վայրում մենք մեկուսացած չենք, բայց երբ տուն ենք գնում, ձգտում ենք մեկուսանալու: Երեխաներն իրենց ժամանակն անցկացնում են համակարգչի առջև, մեծահասակները` հեռուստացույցի: Սակայն այսպես Տիրոջ իմաստությունը չի կարող դրսևորվել աշխարհում, որովհետև մեկուսացման մեջ իմաստություն չկա:

Սիրելինե'ր, հաջողություն եմ մաղթում ձեզ: Ունեցե'ք խորհրդականների շատություն, շփվե'ք ձեր ընտանիքի անդամների, ընկերների, ծանոթների հետ, ձեզ շրջապատե'ք այնպիսի մարդկանցով, ովքեր իսկապես մտածում են ձեր մասին և կարող են ճիշտ խորհուրդ տալ ձեզ: Մի' մեկուսացեք և մի' փորձեք միայնակ լուծել ձեր խնդիրները: Այդ ժամանակ դուք հաջողակ կլինեք: Եվ մի' մոռացեք հետևել Հիսուսի օրինակին՝ խոհեմությամբ հաղթել ձեր պատերազմները: