မန်ယူဟာ ချယ်လ်ဆီးကွင်းလယ်လူ မေဆန်မောင့်ကို ခေါ်ယူနိုင်ခဲ့ပါပြီ။ ဒီနေရာမှာ မေးစရာရှိလာတာက မေဆန်မောင့်ဟာ မန်ယူရဲ့လိုအပ်ချက်ကွက်လပ်ကို အမှန်တကယ် ဖြည့်ဆည်းပေးနိုင်မယ့်ကစားသမားလားဆိုတာပါပဲ။

မန်ယူဟာ ဗြိတိန်ကစားသမားတွေနဲ့ အောင်မြင်တဲ့ နှစ်ကာလပေါင်းများစွာ ရှိခဲ့ဖူးပါတယ်။

ဒါပေမဲ့ အဲ့ဒါတွေအားလုံးက နည်းပြကြီး ဖာဂူဆန်လက်ထက်မှာ လက်နဲ့ထိသမျှ ရွှေဖြစ်ခဲ့စဉ်ကာလကပါ။

လက်ရှိနည်းပြ အီရစ်ခ်တန်းဟတ်ဂ်ကတော့ သူ့ဆီမှာ ရှိထားတဲ့ အင်္ဂလိပ်ကစားသမားတွေကိုတောင် ရောင်းထုတ်လိုက်ဖို့ စီမံနေသူဖြစ်ပါတယ်။

ဒီတော့ ဗြိတိန်တွေ၊ အင်္ဂလိပ်တွေကို မန်ယူဆီ အရမ်းရောက်စေချင်နေသူက ဘယ်သူတွေလဲ။

မေဆင်မောင့် ရောက်ရှိလာခြင်းဟာ အခန့်မသင့်ရင် မန်ယူအတွက် အမှတ်မရှိတဲ့အသည်းက နှစ်ခါပြန်ကွဲတာမျိုး ဖြစ်လာစေပါလိမ့်မယ်။