Sign up to save your podcasts
Or
Share An Radyo 044 – Gwel war-rag she 2026
Share to email
Share to Facebook
Share to X
Share to email
Share to Facebook
Share to X
Or
An Radyo 044 – Gwel war-rag she 2026
Kanow an seythen ma
Nowodhow an Norvys Keltek
Yn Kembra – nowodhowdiworthcymru.co.uk
Ordenoryon an Diskwedhyans Kembrek Ryal re beu gobrys a’ga omrians dhe yeth Kembra dre dhegemmeres an piwas Cynnig Cymraeg, po Profyans Kembrek hag yw nivel a aswonnvos yw res dhe restransow re oberis gans soedhva dhesedheger Yeth Kembra rag towlenna, desinya ha gul proviansow rag Yeth Kembra.
Hag an diskwedhyans ow talleth y’n seythun ma yn Llanelwedd, pennsoedhek Aled Rhys a leveris ev dhe vos pes da dhe dhegemmeres aswonnvos Cynnig Cymraeg a-barth Kowethas Ammethek Kembrek Ryal. Ev a leveris bos dhe’n diwysyans ammeth kansrann ughella a Gembrogyon ages neb diwysyans arall yn Kembra. Ev a leveris: ‘Yma junyans pur wir ynter kaleshe termyn a dheu Yeth Kembra ha kaleshe termyn a dheu ammeth Kembrek. Yeth Kembra yw kresek rag agan ober omma y’n diskwedhyans hag orth nivel ughella a-dreus dhe Gembra. An Yeth ha’n gonisogeth yw rann a res a vewnans ammethek Kembrek ha degemmeres aswonnvos a henna a vydh gweres orthyn avonsya pella Kembrek gans tus a ober y’n diskwedhyans yn Kembra ha pella.’
Yn Iwerdhon – RTE
Ledoryon an diwysyans pyskessa re warnyas a-dro dhe derroes awos finwedhyansow pyskessa nessa blydhen a allsa distrui kemmyniethow-pyskessa brassa.
Konsel Keswlasek rag Hwithrans an Mor, a wra kusul godhoniethek a-dro dhe vynsow a buskes dhe Unyans Europa, re gommendyas leheans a dheg ha tri ugens kansrann yn finwedhyans a vrithel nessa blydhen, keffrys ha leheans a onan ha dew ugens kansrann yn pyskessa rag gwynnek-glas, ha leheans a dhew warn ugens kansrann yn pysk-badh. An Konsel a lever pyskessa rag brithel re wordremenas kusul godhoniethek orth nownsek war ugens kansrann a-dhia dhew vil ha deg, ha mynsow a vrithel yw isella ages finwedhyans bewoniethel salow lemmyn.
Pennsoedhek Kowethyans Askorryon Pysk a Iwerdhon, Aodh O’Donnell a leveris bos sostenadewder an dra an moyha a-vri, mes an kusul yw boemm-morthol. Brithel yw an pysk an moyha talvosek yn Iwerdhon hag y dalvos yw moy ages peswardhek ha peswar ugens milvil euro.
Yn Alban – An Gazette
Men Kov re beu drehevys yn Park Ranndiryel Clyde Muirshiel avel men-kov dhe’n dus a veu ledhys yn Bal Barytes Muirshiel ynter mil, naw kans, dew ha dew ugens ha mil, naw kans naw ha tri ugens. Desedhys o an bal a-dro dhe dhew poynt pymp mildir a-dhiworth Kresenn Godrigoryon Muirshiel y’n goen ogas Lochwinnoch, hag ev a askorras Barytes, hag yw denvydhys yn peint, paper, pann ha medhygonieth, dre dhew kans blydhen bys yn y dhegeans yn mil, naw kans naw ha tri ugens.
An men kov a veu profys gans eseli an gemmynieth deythyek, y’ga mysk teyluyow a dus o tus-bal kyns. Arghesys o gans Konsel Renfrewshire hag Arghas Sewenyans Kevrennys Governans RU.
Yma plat orth an men kov gans henwyn a hwegh gour a veu ledhys y’n bal dre gerrek ow koedha, droglammow gans devnydh tardha ha droglammow treusperthyans a-ji hag yn-mes a’n bal, nebes anedha le ages deg warn ugens bloedh.
An men kov a veu drehevys gans Gordon Grey a wra fosow-sygh a ven. An tyller a yll bos drehedhys a-droes yn unnik a-dhiworth an gresenn-godrigor.
Yn Manow – Gonisogeth Manow
Dew wydhyow a dhons Manowek re beu gwrys a-gynsow gans Gonisogeth Manow hag yth yns i keworrans dhe’n kuntelles a fylmow derivadow ow tevi yw gwrys gansa. Y’n eur ma yma ynkressyans a droenekter a-dro dhe dhons Manow hag y’n ynys hag yn keswlasek.
Kommendys yns gans dyskadores ha gwrythyores Gráinne Joughin ha diskwedhys gans eseli hy bagas dons, Skeddan Jiarg, hag i a dhiskwedh an donsyow henwys ‘Shooyl Inneenyn’ ha ‘Sharon’s Jig’.
‘Shooyl Inneenyn’ yw dons a veu gwrys yn hengovek gans benynes y’n Fer Arvethya dy’Goel Michal y’n nawves warn ugens a vis Gwynngala, ha ‘Sharon’s Jig’ yw dons a unn den nebes kales dh’y wul. Dr. Chloë Woolley, Soedhoges Avonsyans Ilow yn Gonisogeth Manow a leveris: ‘dons gwerinek yw rann a res gonisogeth bewek Manow hag yntanys on ni an fylmow ma dhe aweni moy a dus hwath, mar pens i donsoryon, dyskadoryon po skoedhoryon, dhe wul rann ha gweres gwitha dons Manow avel hengov ow pewa.’
NOWODHOW AN SEYTHEN
Yma towl treghi soodhow y’n Trest Klavjiow Kernow Rial.
Kynigys yw kelli deg soodh ha seyth ugens yn mysk pobel ow menystra.
An Trest a rewl Trelosk, Sen Myghal, Kernow West ha Both Surgical Sen Austell.
***
Y fydh ardak dhe’n towl kavos net-mann Yn Kernow erbyn dew-vil-deg-warn-ugens.
An Konsel a vynn setya an dedhyas lemmyn yn dew-vil-pymp-ha-dew-ugens.
An ervirans a holl kusul gans sodhogyon.
***
Yma sorr drefen na veu res dhe Gernow rann a seth-mona pymp bilvil peuns.
An arghesans Gooth Tyller a vydh res dhe gemenethow ow strivya dhe wellhe. Moy es tri hans tyller a-hes Breten Veur ow kwaynya dew milvil peuns dres an deg bledhen usi ow tos.
***
Yma ow tegea an bord owth argemmynna tornyaseth yn Kernow.
VysytKernow a erviras hedhi ober awos kudynnow menedhek gans erbys.
An gemeneth negys yn Kernow a lever bos pur druethek.
***
Henn yw oll an seythen ma – y fydh moy nessa seythen.
The post An Radyo 044 – Gwel war-rag she 2026 appeared first on An Radyo.
View all episodes
By An RadyoKanow an seythen ma
Nowodhow an Norvys Keltek
Yn Kembra – nowodhowdiworthcymru.co.uk
Ordenoryon an Diskwedhyans Kembrek Ryal re beu gobrys a’ga omrians dhe yeth Kembra dre dhegemmeres an piwas Cynnig Cymraeg, po Profyans Kembrek hag yw nivel a aswonnvos yw res dhe restransow re oberis gans soedhva dhesedheger Yeth Kembra rag towlenna, desinya ha gul proviansow rag Yeth Kembra.
Hag an diskwedhyans ow talleth y’n seythun ma yn Llanelwedd, pennsoedhek Aled Rhys a leveris ev dhe vos pes da dhe dhegemmeres aswonnvos Cynnig Cymraeg a-barth Kowethas Ammethek Kembrek Ryal. Ev a leveris bos dhe’n diwysyans ammeth kansrann ughella a Gembrogyon ages neb diwysyans arall yn Kembra. Ev a leveris: ‘Yma junyans pur wir ynter kaleshe termyn a dheu Yeth Kembra ha kaleshe termyn a dheu ammeth Kembrek. Yeth Kembra yw kresek rag agan ober omma y’n diskwedhyans hag orth nivel ughella a-dreus dhe Gembra. An Yeth ha’n gonisogeth yw rann a res a vewnans ammethek Kembrek ha degemmeres aswonnvos a henna a vydh gweres orthyn avonsya pella Kembrek gans tus a ober y’n diskwedhyans yn Kembra ha pella.’
Yn Iwerdhon – RTE
Ledoryon an diwysyans pyskessa re warnyas a-dro dhe derroes awos finwedhyansow pyskessa nessa blydhen a allsa distrui kemmyniethow-pyskessa brassa.
Konsel Keswlasek rag Hwithrans an Mor, a wra kusul godhoniethek a-dro dhe vynsow a buskes dhe Unyans Europa, re gommendyas leheans a dheg ha tri ugens kansrann yn finwedhyans a vrithel nessa blydhen, keffrys ha leheans a onan ha dew ugens kansrann yn pyskessa rag gwynnek-glas, ha leheans a dhew warn ugens kansrann yn pysk-badh. An Konsel a lever pyskessa rag brithel re wordremenas kusul godhoniethek orth nownsek war ugens kansrann a-dhia dhew vil ha deg, ha mynsow a vrithel yw isella ages finwedhyans bewoniethel salow lemmyn.
Pennsoedhek Kowethyans Askorryon Pysk a Iwerdhon, Aodh O’Donnell a leveris bos sostenadewder an dra an moyha a-vri, mes an kusul yw boemm-morthol. Brithel yw an pysk an moyha talvosek yn Iwerdhon hag y dalvos yw moy ages peswardhek ha peswar ugens milvil euro.
Yn Alban – An Gazette
Men Kov re beu drehevys yn Park Ranndiryel Clyde Muirshiel avel men-kov dhe’n dus a veu ledhys yn Bal Barytes Muirshiel ynter mil, naw kans, dew ha dew ugens ha mil, naw kans naw ha tri ugens. Desedhys o an bal a-dro dhe dhew poynt pymp mildir a-dhiworth Kresenn Godrigoryon Muirshiel y’n goen ogas Lochwinnoch, hag ev a askorras Barytes, hag yw denvydhys yn peint, paper, pann ha medhygonieth, dre dhew kans blydhen bys yn y dhegeans yn mil, naw kans naw ha tri ugens.
An men kov a veu profys gans eseli an gemmynieth deythyek, y’ga mysk teyluyow a dus o tus-bal kyns. Arghesys o gans Konsel Renfrewshire hag Arghas Sewenyans Kevrennys Governans RU.
Yma plat orth an men kov gans henwyn a hwegh gour a veu ledhys y’n bal dre gerrek ow koedha, droglammow gans devnydh tardha ha droglammow treusperthyans a-ji hag yn-mes a’n bal, nebes anedha le ages deg warn ugens bloedh.
An men kov a veu drehevys gans Gordon Grey a wra fosow-sygh a ven. An tyller a yll bos drehedhys a-droes yn unnik a-dhiworth an gresenn-godrigor.
Yn Manow – Gonisogeth Manow
Dew wydhyow a dhons Manowek re beu gwrys a-gynsow gans Gonisogeth Manow hag yth yns i keworrans dhe’n kuntelles a fylmow derivadow ow tevi yw gwrys gansa. Y’n eur ma yma ynkressyans a droenekter a-dro dhe dhons Manow hag y’n ynys hag yn keswlasek.
Kommendys yns gans dyskadores ha gwrythyores Gráinne Joughin ha diskwedhys gans eseli hy bagas dons, Skeddan Jiarg, hag i a dhiskwedh an donsyow henwys ‘Shooyl Inneenyn’ ha ‘Sharon’s Jig’.
‘Shooyl Inneenyn’ yw dons a veu gwrys yn hengovek gans benynes y’n Fer Arvethya dy’Goel Michal y’n nawves warn ugens a vis Gwynngala, ha ‘Sharon’s Jig’ yw dons a unn den nebes kales dh’y wul. Dr. Chloë Woolley, Soedhoges Avonsyans Ilow yn Gonisogeth Manow a leveris: ‘dons gwerinek yw rann a res gonisogeth bewek Manow hag yntanys on ni an fylmow ma dhe aweni moy a dus hwath, mar pens i donsoryon, dyskadoryon po skoedhoryon, dhe wul rann ha gweres gwitha dons Manow avel hengov ow pewa.’
NOWODHOW AN SEYTHEN
Yma towl treghi soodhow y’n Trest Klavjiow Kernow Rial.
Kynigys yw kelli deg soodh ha seyth ugens yn mysk pobel ow menystra.
An Trest a rewl Trelosk, Sen Myghal, Kernow West ha Both Surgical Sen Austell.
***
Y fydh ardak dhe’n towl kavos net-mann Yn Kernow erbyn dew-vil-deg-warn-ugens.
An Konsel a vynn setya an dedhyas lemmyn yn dew-vil-pymp-ha-dew-ugens.
An ervirans a holl kusul gans sodhogyon.
***
Yma sorr drefen na veu res dhe Gernow rann a seth-mona pymp bilvil peuns.
An arghesans Gooth Tyller a vydh res dhe gemenethow ow strivya dhe wellhe. Moy es tri hans tyller a-hes Breten Veur ow kwaynya dew milvil peuns dres an deg bledhen usi ow tos.
***
Yma ow tegea an bord owth argemmynna tornyaseth yn Kernow.
VysytKernow a erviras hedhi ober awos kudynnow menedhek gans erbys.
An gemeneth negys yn Kernow a lever bos pur druethek.
***
Henn yw oll an seythen ma – y fydh moy nessa seythen.
The post An Radyo 044 – Gwel war-rag she 2026 appeared first on An Radyo.