Ang 25 years old na Pilipinang si Bennylyn Aquino, ay popular sa kanilang lugar, mapagkumbaba at mahal na mahal ng kanyang kapatid na si Shiela. Masigasig si Bennylyn, na makapagtapos ng pag aaral. Kaya nagtrabaho si Shiela, para masuportahan siya. Sinabi rin ni Shiela sa tatay nilang si Mr. Benedecto, na pagtulungan nilang mag anak, na masuportahan si Bennylyn. Para masigurong makapagtapos talaga ito.

Inilarawan si Bennylyn bilang matalino, mabait, maganda, at maaasahan. Mahal na mahal niya rin ang kanyang pamilya.

2015, nakilala ni Bennylyn ang isang lalaking British, na nagngangalang Lexington Burke, sa isang dating website na tinatawag na Romanced Blossomed. Pumunta ito ng Pilipinas, at isang malaking kasalan ang idinaos ng dalawa noong July 28, 2018. Makalipas ang isang buwan, August 19, isinilang ang babaeng anak nilang pinangalanang Jelica.

Sa unang kaarawan ni Jelica, lumipat ang pamilya sa United Kingdom. Ito ang unang pagkakataong umalis si Bennylyn ng bansa. Baon ang ang pag asang, sana'y magkaroon ng magandang hinaharap doon.

Nagtrabaho ng husto si Bennylin sa UK. At nagpapadala ng pera sa kanyang pamilya, para masuportahan din ang mga ito.

Nakalulungkot, na sa pagtatapos ng 2020, nagsimulang masira ang pagsasama ng mag asawa. Kaya lumipat si Bennylyn sa isang Emergency Accomodation. Isang flat sa unang palapag sa Kingswood, tatlong milya sa labas ng Bristol. Nakipagkaibigan siya sa mga taong nandoon. At maganda din ang pakikitungo ng mga ito sa kanya. Dinadamayan at sinusuportahan siya ng mga ito. At madalas na bisitahin, kasama ng iba pa niyang mga kaibigan sa Bristol.