Ֆրանսիայում ծնված և մեծացած Անի Ավագյանի ընտանիքում Հայաստան վերադառանալու խոսակցություններ հաճախ են լինում։ Հայկական միջավայրն անգամ Փարիզում են փորձում պահպանել, տանը միշտ հայերեն են խոսում, իսկ ահա գրել–կարդալ հայկական վարժարանում է սովորել։ Անին մասնագիտությամբ հոգեբան է, արդեն մի քանի ամիս է ինչ «Դեպի հայք» կազմակերպության միջոցով Հայաստանում կամավոր է Տարեցների առողջության և ապահովման կենտրոնում։ Երբ նոր էր սկսում կամավորական աշխատանքը մտածում էր, թե այդ տարիքում դժվար կլինի նոր բան սովորել, բայց տատիկ–պապիկները հակառակն են ապացուցեցել։ Անին պատմում է, որ իր համար էլ է հետաքրքիր աշխատել նրանց հետ, ոչ միայն ինքն օգնում, այլև հենց նրանից է շատ բաներ սովորում և առավել ոգևորվում է, երբ զգում է կատարած աշխատանքի արդյունքը։