दशैँका लागि आजदेखि सार्वजनिक यातायातको टिकट बुकिङ खुला भएको छ । टिकट बुकिङ खुला भएसँगै टिकट काउन्टरहरुमा दशैँमा घर जानेहरुको घुइँचो लाग्न थालेको छ । टिकट बुकिङका लागि काठमाडौं उपत्यकाका ११ स्थानमा काउन्टरको व्यवस्था गरिएको छ । टिकट बुकिङलाई सहज र व्यवस्थित बनाउन यसपटक अनलाइनबाट पनि टिकट बुक गर्ने व्यवस्था गरिएको छ । तर पनि भौतिक रुपमै काउन्टरमा पुगेर टिकट बुक गर्ने यात्रुको संख्यामा कमी आउन सकेको देखिँदैन । आज पहिलो दिन टिकट बुकिङ खुला भएसँगै काउन्टरमा लाइन लागेका कतिपयले भने टिकट नपाएको गुनासो गरे ।