Repasamos cos nosos colaboradores Javi Torres, Rafa Cabeleira e Álex Gesto os últimos partidos xogados na Eurocopa e o calendario da Primeira División, que levará o Real Madrid e o Barcelona ó estadio de Balaídos en outubro. Coñecemos as expectativas de Borja Fernández, que continuará como adestrador do UD Ourense. Análise con Millán Gómez das incorporacións e saídas no baloncesto galego. Conversamos con Miguel Méndez, seleccionador nacional do baloncesto feminino, que prepara o equipo en Vigo de cara ós enfrontamentos previos ós Xogos Olímpicos. Entrevista ó novo director xeral do CB Breogán.