अपांगता भएका व्यक्तिहरुका लागि सेवा सुविधा लिनेदेखि रोजगार, शिक्षा, स्वास्थ्यलगायतका सबै क्षेत्रमा कानुनी अधिकारले कुनै रोकतोक लगाएको छैन । तर, अपांग मैत्री सडकदेखि भवनका संरचना नहुँदा अपांगता भएका व्यक्तिहरुको जीवन निक्कै सकसपूर्ण हुने गरेको छ । संविधान तथा ऐन कानुनमा उनीहरुको अधिकारका विषयमा स्पष्ट उल्लेख भएपनि सरोकारवाला निकायले कार्यान्वयमा ध्यान नदिँदा अपांगता भएका व्यक्तिहरुको समस्या ज्यूका त्यूँ छ ।