Epaiaren zain gelditu zen ostiralean Kutxabank auzia. Fiskalak esan zuen hiru akusatuak ados jarri zirela Mikel Cabiecesi hilero 5.873 euro ordaintzeko lanik egin gabe. Salaketa horrekin bat egiten du herri akusazioak. Besteak beste LAB da horren parte, eta sindikatuko Urtzi Ostolazagak esan digunez "zigorra" espero dute hiru akusatuentzat. "Ate birakarien adibide garbia" dela esan du LABeko kideak eta orain arduradun politikoei dagokiela "aurpegia ematea".