A entrada dunha nova borrasca, bautizada como Oriana, a novena xa no que vai de ano, déixanos unha xornada de alerta laranxa no mar. Tregua o sábado pero novas frontes o domingo traerán máis precipitacións ao longo de toda a semana.

Empezan as primeiras citas do Entroido coa vista posta no ceo. A Illa, Meis e Cambados abren os actos na comarca.

Operativo contra o narcotráfico a pequena escala desplegado pola Garda Civil no Grove con varios rexistros.

Comezan as obras de amplicación da rede de saneamento na rúa Ameal, en Vilagarcía, cun investimento de 86.000 euros.

A Illa de Arousa reforzará a sinalización nos accesos á zona residencial para evitar calquera despiste na circulación de conductores non residentes na mesma.

O porto deportivo Juan Carlos I de Sanxenxo queda sen amarres dispoñibles para o mes de agosto.

O Tribunal de Contas arquiva a denuncia do ex alcalde socialista Alberto García contra o goberno local de Catoira e o actual rexedor Xoan Castaño pola liquidación do orzamento de 2024.

Case unha trintena de concellos confirman a súa participación no pioneiro produto turístico Baixo o ceo das Rías Baixas,