Annika Olsen bleiv vald til Ársins britu, tá ið altjóða kvinnudagurin varð hildin í Fuglafirði 8. mars.

Á degnum ognartóku kvinnurnar orðið "britu", sum sambært orðabókini merkir gívur ella illkvendi. Nú verður tað brúkt um eina sterka kvinnu, sum hevur sterk virði og stendur við sítt.

Og Annika Olsen stóð við sitt, tá ið løgtingið viðgjørdi málið um sammøður fyri jól. Tað endaði við at kosta henni løgtingssessin, tí Fólkaflokkurin ikki vildi lata sær lynda, at hon fylgdi síni sannføring.