Երեխաների մոտ բնության նկատմամբ սեր սերմանալու, հայրենիքի գողտրիկ անկյուներին ծանոթացնելու նպատակով Աստղիկ Հարությունյանը «Խոխա» արշավներ է կազմակերպում։ Դրանք նախատեսված են 7–14 տարեկանների համար, բայց խմբին միանում են ավելի փոքր տարիքի երեխաներ։ Ճանապարհներին ծանոթ լինել, տեղանքում ճիշտ կողմանորոշվել, ճկուն լինելը․ սրանք կարևոր հմտություններ են, որոնք անհրաժեշտ են ուղեկցորդ լինելու համար, բայց եթե արշավականները երեխաներ են, ապա պատասխանատվությունը կրկնապատկվում է և այդ ամենին զուգահեռ պետք է ցուցաբերել նաև ծով համբերություն։ Այս տարի մտադիր է նաև ներառական արշավներ կազմակերպել, քանի բոլոր երեխաները պետք է մասնակցեն արշավների ու այն պետք է դառնա ոչ թե ժամանաց, այլ ձևավորված մշակույթ։