आत्मरंगी दंग परि सदा सजग

मूर्त प्रेमानंद प्रभू परमानंद

अज्ञ मतिमंद मनी सदा द्वंद्व

त्यां सेववी मकरंद ईश्वरी प्रेमाचा

प्रेममकरंदाची लावूनिया गोडी

हळूहळू तोडी निरगाठी मनाच्या

दावी सत्य ईश हृदयीचा परमेश

ना उरवी लवलेश व्यर्थ कल्पनेचा

सगुण सद्गुरू तोचि तो श्रीहरी

दावी याची परी आपुल्या जीवनाने

स्वानुभवाचे देऊनिया बीज

करी तजवीज कल्याणाची आमुच्या

प्रभू हाचि शंकर सदा शुभंकर

शिवरूप भास्कर नुरवी वार्ता दिवसरात्रीची

- दत्तप्रसाद जोशी