Bai, zin dagit, Zygmunt Baumanen Retrotopia liburua erosi dut soilik izenburuak erakarrita. Ez naiz Baumanen lanean gehiegi interesatu sekula. Aukeran, nahiago izan dut, dudan denbora urria, beste autore batzuei eskaini. Baina, izenburua irakurri, eta aspalditik buruan nerabilzkien ideia batzuen sintesi magistrala iruditu, eta erosi egin nuen.  Bestalde, ez diot autore bati nire ikuspegiarekiko bateratasun moral edo politikorik eskatzen. Erabilgarritasuna izan dezaketen ideia batzuk oparitzearekin nahikoa dut. Eta izenburuak behintzat, hori aurreikusarazten zidan.