Audible Mess with Yomna

أي بني ادم على وجه الأرض مر/ او سيمر بالاكتئاب في وقت ما في حياته، ومن أسوء أعراضه هي صعوبة في التعبير عن المشاعر من كتر ماهي معقدة ومؤذية. في الحلقة دي هدي بعض الأمثلة عن المشاعر دي عشان نحاول نفهم عقلية الشخص المصاب بالاكتئاب اكتر وبالتالي تزيد قدرتنا على مساعدته

هل الثقة بالنفس مهارة بتكتسب على مدار الحياة ولا على الله؟ هتكلم معاكوا عن صفات واساليب الشخصية الواثقة من نفسها وعكسها الشخصية الانسكيور، وهشارك ردودكوا عندي ع الانستجرام عن الحاجات اللي بتحسسكوا بالثقة بالنفس

بمناسبة ال valentine's day تعالوا نتكلم عن الحب، ولما اعملكوا يوتيوب هبقى اعملكوا كيكة عيد الحب زي ندى

..حاجة م الحاجات اللي أم خالد مشهورة بيها، هي ابنها خالد اكيد يعني. شهرتها زادت لما بدأت تطلعه معاها في الفيديوهات بشكل ملحوظ، والطريقة اللي كانت بتعامله بيها جذبت انتباه الناس جدا وكانت سبب لانتقاد بعضهم ومديح البعض الآخر. في الحلقة دي هتكلم معاكوا عن دور "المديح" في التربية.

هبطل السجاير واكون انسان جديد ٢٠٢٥

عاوزة ابطل السجاير فعلا (الفيب) بس بيني وبينكوا يعني مش هنقولها ف الحلقة..

في الجزء ده هتكلم معاكم عن ازاي بصنف العلاقات في حياتي، وايه الأساليب اللي بركز اوي اني اتعلمها عشان جودة علاقاتي تزيد بشكل عام، زي التعلق الآمن والاعتماد الصحي والاكتفاء الذاتي وأفكار تانية كتير. ويتوارد لذهني سؤال مع ختمة السلسلة..ياترى التأملات العشرينية هتكمل معانا لحد ماتبقى تأملات ثلاثينية؟

ياترى الواحد لما بيبص لنفسه في المراية الفترة دي بيشوف نفسه ازاي؟ هل بيشوف انه محتاج يعمل تعديلات كتير ف شكله؟ يخس يتخن يعضل...ولا بيشوف انه محتاج يعمل تعديلات في شخصيته؟ يثق في نفسه اكتر، يفتح قلبه للي حواليه اكتر، يكون اكثر صراحة مع نفسه..الخ او يمكن يكون بيفكر في الجزئيتين مع بعض، في الحلقة دي هقولكوا انا بفكر ف ايه لما ببص لنفسي ف المراية كفتاة عشرينية تائهة في ماية طحينة الحياة

الحلقة اللي بحضرها من شهرين.. من يوم عيد ميلادي، حسيت ان الواحد اقترب من منتصف عقده العشرين ولازم يفكر في الطريقة اللي عاش بيها حياته حتى الآن، واللي حابب يكمل بيها حياته بعدين. ف وصلت لبعض التأملات عن الحياة، الذات، العلاقات اللي حبيت اشاركها معاكم على ٣ حلقات مختلفة؛ ودي أول حلقة عن تأملات حياتية احنا كشباب ممكن نفكر فيها او ندرب نفسنا عليها..

هل طبيعي الواحد تكون مشاعره دايما مضطربة؟ هل العادي ان يكون عندي صعوبة شديدة في التحكم فيها طول الوقت؟ لا، عشان كدة بنعلم نفسنا مهارات التنظيم العاطفي، اللي أغلبنا افتقد لحد يعلمهاله في الطفولة. المهارات دي هتساعدنا نفهم نفسنا اكتر، نعدل من ردود افعالنا، ونعامل نفسنا بشكل الطف عموما :)

some unpopular opinions i have, please dont hate me love you :)