Urte berri honetan jarraitu eginen dugu Mari Mar Agos liburuzainak egiten duen kolaborazioarekin. Hala egin dugu gaurkoan ere eta hainbat nobedade komentatu dizkigu: Ekimenak, Hazien liburutegia, Irakurle taldea, Baziren behin 8 liburutegi,…

Mari Mar Agos Irati Irratian:

Aspaldi ez ginela Mari Mar Agos liburuzainarekin izaten eta gaurkoan bere ondora itzuli gara gogotsu. Ohikoa den moduan lanean harrapatu dugu liburutegira liburu berri pila bat iritsi baitira eta hauek sailkatzen ibili da. Aipatu digu gaurko kolaborazioetan ere Eguberrietan liburutegiak goizeko ordutegia izanen duela.

Mari Mar Agos Irati Irratian:

Egun zenbait ondoezik egon eta gero bueltan dugu Mari Mar Agos gure liburuzain maitea. Indarberrituta dator eta horren erakusleiho dira aste honetan izandako ekimenen arrakasta, Javi Coteloren “La Cara Oscura del Sol” eleberriaren aurkezpena eta euskarazko irakurle taldearena zeina parte-hartzaile gehiago dituen. Hau partekatu du gurekin gaur.

Mari Mar Agos Irati Irratian:

Elordi herri asmatuan kokatutako polizia eleberria dugi “La oscura cara del sol”. Markel eta Laia dira protagonistak eta eleberri honen sortzaile dugu Javi Cotelo. Lehen eleberria du eta bere afiziotik eratorritako eleberria da, bere idazteko grina horretatik. Elordi zenbait tokitan errotu daitekeen arren, Aurizberriko herriaren zantzuak ikus daitezke, nahiz eta landa eremuko beste herrietako izaerak ere badiren. 9 hilabetetan amaitutako 400 orrialde dituen eleberria da eta orain heldu da Lamiñarra argitaletxearen eskutik jendearekin partekatzeko. Aurkezpena dela eta Javi Cotelorekin egoteko aukera baliatu dugu gaurkoan.

Javi Cotelo Irati Irratian

Gaur itzuli gara Aurizberriko Liburutegia bisitatzera, Mari Mar Agos liburuzainarekin egotera. Lehendabizi adierazi digu jada liburutegiak ohiko ordutegia berreskuratu duela, arratsaldekoa alegia. Horren ondotik, Baziren Behin 9 liburutegi, Irakurle taldea eta aurkezpen bi izan ditugu hizketagai.

Mari Mar Agos Irati Irratian:

Uda oparoa izan da Aurizberriko Liburutegian, jende asko pasa baita bertatik euren irakurgaiak jasotzera. Goizeko ordutegia bazuen ere irakur zale asko izan ziren eta orain irailaren 15ean pasako da arratsaldeko ordutegira. Udazkenean ere itzuliko dira ekimenak Aurizberriko Liburutegira Mari Mar Agosek aipatu bezala, tartean Baziren Behin 9 liburutegi, Irakurle Taldea eta 2 liburu aurkezpen, zeinak hurrengoetan lantzen joanen garen.

Mari Mar Agos Irati Irratian:

Udako ordutegian dabil jada ekainaren 15etik Aurizberriko Liburutegian Mari Mar Agos liburuzainak. Hori bera gogorarazten hasi dugu gaurkoa. Horren ondotik ekimen gabezia nabarmendu eta datozen bi asteak Mari Mar oporretan izanen dela esan digu, beraz liburutegia itxita izanen da.

Mari Mar Agos Irati Irratian:

Euskaraldiaren erdian joan gara Mari Mar Agos liburuzainarekin egotera. Egunotako berri nabarmenena zenbait kontu direla eta liburutegiko ekintzak atzeratu egin dituela momentuz data finkorik gabe. Bestalde gogoratu digu datorren ekainaren 15ean liburutegiko udako ordutegia hasiko dela.

Mari Mar Agos Irati Irratian:

Nerea Baldaren Azpimarrak eta Ernest Hemingwayren Fiesta Eguzkia jaikitzen da liburuen laguntzarekin amaitu ziren Mikel Albisu Iriarte Mikel Antza idazleak dinamizatutako Agoitz eta Aurizberriko literatur solasaldiak. Ikasturtean zehar hainbat eleberri landu dituzte eta norbanakoen irakurketak amankomunean ipinita irakurketa bera aberastu egin dute solasaldi hauetan parte hartu dutenek. 6 saio izan dira eta genero eta prozedentzia desberdinetako eleberriak landu dituzte bertan. Datorren ikasturtean solasaldien jarraipena izanen da baina orain bertan parte-hartu dutenek aukera dute euren gustoko izandako eleberriak proposatzeko.

Gaur ikasturte amaiera zela eta Mikel Albisurekin izan gara literatur solasaldien inguruan elekatzen.

Mikel Albisu Irati Irratian

Erdi gaixo eta lanean topatu dugu Mari Mar Agos liburuzaina Aurizberriko Liburutegian. Gaurkoan aipatu digu Liburuaren egunaren bueltan zenbait kontu atzeratu dituztela eta ez dutela zoritxarrez behar bezala ospatu, baina iritsiko dira aktibitateak. Horren ondotik gonbidapena luzatu digu bertaratu eta bertan dauden istorio eta liburuetaz zipriztintzera.

Mari Mar Agos Irati Irratian: