人無夢想同鹹魚冇分別？以前我哋總係以為「夢想」等同選擇自己理想嘅職業，長大先發現「夢想」係選擇自己面對人生嘅方式同追求。Season 1最終回，到底我哋有冇成為「合格嘅大人」？

能成為密友大概總帶著愛？男女之間有無純友誼？友情同愛情嘅界線喺邊度？愛情觀南轅北轍的Rebecca與Jessica最終嘅共識竟然都係唔想結婚？

忠實嘅travel buddies 一齊住過嘅酒店超過50間？一年去超過10次旅行再加數唔清嘅出差是否too crazy？20歲同30歲去旅行有咩差異？

性係男女關係中非常重要嘅一環，但性呢個話題經常被污名化。教育制度嘅唔完善使年輕人無辦法喺成長嘅過程中正確咁學習相關知識，我哋希望有更多嘅人可以行出嚟健康地談及性，普及正確性知識。

職場rule no.1 : Get things done! 工作係人生無法分割嘅一部分，唔想浪費人生必須全力以赴不留遺憾。勇敢去做選擇，勇敢去面對自己嘅選擇。來自工作接近十年嘅「老屎忽」嘅建議！

由Jessica訪問曾於台灣、泰國、印尼、中國內地等亞洲國家、美國等地方外派長駐工作嘅Rebecca關於唔同國家工作遇到嘅文化差異、生活方式，以及呢啲經歷點樣改變自己嘅視野、思維。

當你感到無力軟弱，記得總有人願意傾聽你。由如何察覺自己有情緒問題，到願意行出第一步尋求協助，已經係向好嘅方向邁進。喺情緒嘅海洋浮浮沉沉，點樣建立屬於自己嘅support system？

人嘅性格真係天生？探討原生家庭對個人成長嘅影響，喺建立三觀嘅過程中任何一個看似好小嘅細節都可能成為日後成長嘅心結。既然無法選擇自己嘅家人，唯有學識點樣同過去嘅自己和解，用同理心去理解對方。

如果要你總結自己20歲至30歲嘅人生，你會點樣形容呢段旅程？由 12歲識到 30歲，見證彼此青春嘅開始與尋找自己嘅過程嘅Rebecca & Jessica 一齊整理過去嘅人生，準備迎接 30歲嘅新開始。