By Dattaprasad Joshi

भक्तप्रेमापोटी भक्तभावासाठी ।

भक्ताठायी देव नित्य राहतो आहे ॥ धृ, ॥

अनासक्त हा विरागी । परि भक्त अनुरागी ।

भक्ताकडे प्रेमभरे पाहतो आहे ॥ 1 ॥

भक्तप्रेम भरले अंगी । सदा भक्तप्रेम भोगी ।

भक्तप्रेम सेवनाने तोषतो आहे ॥ 2 ॥

रमे भक्तप्रेम संगी । भक्तप्रेम कथा सांगी ।

भक्तप्रेम रंगाने हा रंगतो आहे ॥ 3 ॥

देव भक्तप्रेम प्रसंगी । रंगे परमानंद तरंगी ।

भक्ताचा हा देव महणुनी शोभतो आहे ॥ 4 ॥