Jackal နဲ့ Law Abiding Citizen ဇာတ်ကားကို ကြိုက်ရင် Ghost လို့ နာမည်ပေးထားတဲ့ ဒီဇာတ်ကားကို ကြိုက်မှာ သေချာပါတယ်။

တစ်ခုပါပဲ။ ဒီဇာတ်ကားဟာ ဘောလိဝုဒ်အဆင့်နဲ့ရိုက်ထားတာမျိုးမဟုတ်ဘဲ တောင်ပိုင်းကားဖြစ်နေတာကြောင့် တောင်ပိုင်းကားရဲ့အငွေ့အသက်တွေ ပါဝင်နေတာပဲဖြစ်ပါတယ်။

ဒါပေမဲ့ ဇာတ်အိမ်ပိုင်းမှာ Jackal နဲ့ Law Abiding Citizen တို့ထက် အပြတ်သာလွန်ပါတယ်။

မြန်မာအနေနဲ့ပြောရရင် နယ်ကြိုက်ကားသဘောမျိုးဖြစ်နေလို့ နယ်ကြိုက်ဇာတ်ဝင်ခန်းတချို့ကို ထည့်သုံးထားရတာတစ်ခုကလွဲရင် ကျန်တဲ့ဘက်မှာ ပြီးပြည့်စုံနေတဲ့ ရုပ်ရှင်ကားပဲဖြစ်ပါတယ်။

ဇာတ်လမ်းဇာတ်အိမ်က အရမ်းကို ကောင်းမွန်သပ်ရပ်လွန်းပါတယ်။

ဇာတ်လမ်းအစကနေ ကြည့်နေချိန် ၁ နာရီကျော်လာတဲ့အထိ ကြည့်ရှုသူရဲ့စိတ်တွေဟာ ရဲအရာရှိဘက်မှာပဲ ရှိနေပါလိမ့်မယ်။

အတိတ်ဖြစ်စဉ်တစ်ခုကို ကြည့်လိုက်ပြီးတာနဲ့ ရဲအရာရှိဘက်ကိုရောက်နေတဲ့စိတ်အားလုံးဟာ ဗီလိန်ကို အားပေးတဲ့ဘက်ဆီ ကူးပြောင်းသွားပါလိမ့်မယ်။

ဘာလုပ်လုပ် ဗီလိန်ကြီး တစ်ကွက်သာနေပါစေ၊ ဒီရဲတွေကို ပြလိုက်စမ်းပါ၊ နောက်ဆုံးဇာတ်သိမ်းအထိ ဗီလိန်ကြီးရေ…အကွက်လှလှနဲ့ ရိုက်ချထည့်လိုက်စမ်းပါလို့ ဗီလိန်ဘက်မှာ ဝင်ရပ်မိအောင် ရိုက်ကူးပြသွားတာက သိပ်လှလွန်းပါတယ်။

ကြည့်စေချင်လို့ ညွှန်းမိတဲ့ဇာတ်ကားပါပဲ။ ဇာတ်ကားနာမည်က Ghost ဖြစ်ပါတယ်။