Birdy-ն գուցե երիտասարդ սիրտ ունի, բայց այս տարիների ընթացքում կարողացել է ցույց տալ, որ իր հոգին հասուն է ու չափազանց խորը։ Նախորդ ալբոմի թողարկումից հինգ տարի անց արտիստուհին վերադարձել է էլ ավելի մեծացած։ Ճամփորդություններն իրական և մտացածին աշխարհներում վերածվել են հոգեթով երգերի՝ ստեղծելով պոետիկ ճանապարհ` սիրո և բաժանումների խաչմերուկներով։ Երգչուհու հույզերն այս ալբոմում չունեն թատերական հնչողություն․ դրանք գույներ են՝ պարզ ու խոցելի։