मुलुकी देवानी (संहिता) ऐन २०७४ मा २० वर्ष उमेर पूरा भएपछि गरिएको विवाहले मात्रै कानुनी मान्यता पाउने उल्लेख छ । कानुनी रुपमा विवाह गर्ने उमेर २० वर्ष पूरा गरेपछि भन्ने व्यवस्था भएपनि नेपालका विभिन्न ठाउँमा सो कानुनी व्यवस्थालाई पालना गरेको पाइँदैन । कलिलै उमेरमा विवाह गर्नेहरुको संख्या बढ्दै गएको पाइन्छ भने अर्को तर्फ समाजमा विकृति फैलिएको समेत विश्लेषण हुने गरेको छ । जसले गर्दा विवाह गर्ने २० वर्षको उमेर हदका विषयमा पुनर्विचार गरिनु पर्ने संसदहरुले नै अवाज उठाएका छन् । उनीहरुले विवाह गर्ने उमेर १८ वर्ष तोकिनु पर्ने तर्क अघि सारेका छन् । तर, विवाह गर्ने उमेर हद घटाउँदैमा विकृति पनि घट्छ भन्ने विश्वास कमैलाई मात्रै छ ।