Pois si, Ana Luísa Bouza, Antón Losada, Marta Otero Mayán e Xosé Manuel Pereiro conversaron sobre como vai transcorrendo a vista oral pola morte de Samuel Luiz, e a súa repercusión en medios e redes, e chegaron á conclusión de que botaban de menos o xornal El Caso e aquelas outras publicacións de sucesos que servían como referente –negativo– para que os medios serios souberan a que estremos non debían chegar. Pero tamén tocaron outro tema de gran incidencia social: a vivenda. E aquí salta a sorpresa: os pisos están caros? Non! Son os salarios os que están máis baixos ca nunca. Tanto que nin chegan para alugar. Escoiten se non o cren.