Heini Olsen søkti í 1956 arbeiði sum verkfrøðingur í Iran hjá bretskari fyritøku, og fekk starvið. Hetta hevði við sær, at hann skuldi tekna upp og leggja til rættis vegir langt úti á landinum í Iran.

Í 1958 flutti konan Kirstin Olsen hagar, og búðu tey í fleiri ár millum nomadur undir sera primitivum umstøðum. Tey gjørdust væl við fleiri famlijur. 

Í tíðarskeiðnum tá Heini og Kirstin búðu í Iran var Shah Mohammad Reza Pahlavi einaræðandi shahur í Iran, og við stuðuli úr USA og Stórabretlandi royndi hann at nýmótansgerað Iran.