في الحلقة دي بنراجع التكاليف وكل حاجه ممكن تكون اتعملت مش مظبوط وهل الفراولة فعلا هي إللي ظلمتنا ولا إحنا إللي ظلمناها بالتكاليف المبالغ فيها مع صديقي حكيم المجال الحاج أحمد مرعي الغندور

القروض والتعامل مع البنوك من أصعب المهام إللي ممكن تقابلها في حياتك

غالبية الناس إللي بياخدوا قروض للأسف مش بينجحوا وبيتعثروا في النهاية

ليه هنعرف في الحلقة دي من بودكاست بالفلاحي

أي حد مننا ممكن يقع في أزمة ديون

ودي مش مشكلة طالما عارف إزاي يقدر يطلع من الأزمة دي

في الحلقة دي بستضيف الاستاذ مصطفي البرشومي إللي بنحكي فيه مع بعض عن قصة حياته وبنقف كتير عند مرحلة الديون بتاعته و بتاعتي

النجاح مستحيل بدون معاناة، وده اللي عشته بنفسي في تحديات إنشاء مصنعنا الجديد وسط ضغوط مهولة. بفضل ربنا ثم فريقنا، تجاوزنا الأزمة. المعاناة في البيزنس طبيعية وليست فشل، الفشل الحقيقي هو الاستسلام

مفهوم الاستدامة ده مفهوم واسع يشمل كل جوانب الحياة

النهاردة هنتكلم عن الاستدامة في البيزنس وإزاي تقدر تضمن إن شركتك مكمله أطول فتره ممكنه وإزاي نتجنب الانهيار والتعثر

مزارع الفراولة الموثوقة ❤️

في معلومة حقيقية ومهمة جدا عاوز المزارعين بتوع الفراولة يبقوا عارفينها كويس 😌

ان دلوقتي بقي في تشديد رهيب علي الفراولة المجمدة المصدرة من مصر إلي أوروبا وده عامل حالة كبيرة من القلق بين المستوردين إللي خايفين علي العقوبات إللي ممكن تطبق عليهم من الاتحاد الأوروبي لو ظهرت عندهم شحنات كتيره فيها مبيدات ☺️

وطبعا هنا كمان بين المصدرين إللي خايفين هما كمان من الكوارث إللي ممكن تحصل لو أتمسك ليهم شحنه أو اكتر فيها مبيدات ☺️

وده بالمناسبة مش علي الفراولة بس 😌

ده علي كل الخضروات والفواكهة المجمدة إللي بتتصدر للإتحاد الأوروبي 😌

وده معناه إنه هيبقي في تشديد كبير وحرص جامد من قبل المصنعين في مصر علي موضوع المبيدات وده الحقيقة في حد ذاته كويس مش وحش 👌

وده هيخلي المزارع إللي فيها عك هتبقي أسعارها قليلة جدا وممكن تتعرض لخسارة كبيرة 🥲

وبالعكس المزارع الملتزمة هتبقي فرصتها أفضل في السعر وفي التوريد 👌

وعشان كده فكرت في حل كويس 👌

هنبدأ السنه دي ننفذ أول خطوات برنامج المزارع الموثوقة Trusted farms 👌❤️

وايه هي المزارع دي بقي إن شاء الله 🤔

دي عبارة عن عدد معين من المزارع ٢٠-٥٠ مزرعة هنطبق فيهم نفس معايير الجودة إللي أنا بطبقها في مزرعتنا اجروتوبيا 👌

من حيث قوائم المبيدات وكمان المبيدات المستخدمة ونفس البرتوكول المكافحة 👌

هنسحب عينات من المزرعة دي ٦ مرات في السنه

مرة في بداية التعاقد وفي كل شهر مرة من شهر ١ لحد شهر ٥👌

هنقارن التحاليل بالمواد المستخدمة

وهنسجل النتايج في موقع الشركة تحت إسم Trusted Farms

وهفتح ليهم مجال التوريد المباشر لعدد ٣-٤ مصانع 👌

وهنرجع نتابع نتايج التحاليل في المصانع دي

ولو في عدم تطابق هنسجل ده في بيانات سجل المزرعة علي الموقع 👌

وبالتالي المصانع هتقدر تعرف مدي التزام المزرعة دي من عدمه ☺️

طب في شوية أسئلة محتاجين نعرفها 🤔

هل ممكن أي مزرعة تدخل 🤔

الإجابة لأ 😊

هما ٢٠ مزرعة كمرحلة أولي وبعدها كمان ٣٠ مزرعة كمرحلة تانية بس السنه دي ☺️

طب إيه شروط دخول المزرعة في البرنامج ده 🤔

أولا المساحة لا تقل عن ١٠ فدان

في مكان واحد ويكون نصهم علي الاقل فيستفال وفرتونا 👌

ثانيا تكون مداره مباشرة من صاحب المزرعة مش من خلال فلاحين بنظام الشراكة ( لأنهم تعبوني قبل كده وهما كفيلين يبوظوا أي برنامج الحقيقة 😂)

ثالثا هيدفع رسوم الاشتراك إللي هما ١٥ الف جنيه 😊

إللي هيتعمل بيهم تحليل أول مرة والخمس تحاليل إللي بعد كده 😌

طب السؤال الاخير دلوقتي

هل لازم أورد ليك يا دكتور محمد 🤔

لأ خالص 🙂

مش شرط

إنت حر ❤️

في النهاية إللي شايف إنه محتاج البرنامج ده يتواصل مع المهندس محمد حامد ❤️

0103 3332453

٠١٠٣٣٣٣٢٤٥٣

وهعمل حلقة بودكاست عن الموضوع ده هنتكلم فيه اكتر إللي حابب يبقي يسمعها 👌

مساؤكم جميل 🌹 ❤️

‎⁨بودكاست بالفلاحي - الثقة والأمانة سر النجاح في الزراعة مع شوية اقتصاد⁩

في إحباط بين مزارعي الفراولة في بداية الموسم 😌

فهل ده مبرر فعلا 🤔

إزاي أقدر أعرف إن المبيد ده مسموح في الفراولة ولا لأ 😊

أول قصة نجاح لينا في البودكاست ده خارج القطاع الزراعي