“စာပို့သမားရဲ့ စက်ဘီးဘဲလ်သံလေး ‘ကလင် ကလင်’ ဟာ နားဝင်ပီယံ။ ပို့စ်မင်းမြင်ရင် မငြိုမငြင်၊ ကြိုချင်ဆိုချင်။ စာအိတ်လေး တယုတယကိုင်ပြီး အိမ်ခန်းထဲပြေးဝင်၊ ကုတင်ပေါ်လှဲဖတ်ပြီး စိတ်ကူးယဉ်အိမ်မက် မက်ရတာ ဘာနဲ့မှမလဲချင်”

ယခုခေတ်တွင် စက်ဘီးလေးနှင့် စာပို့သမားများ မရှိကြတော့။ စာတိုက်ကတစ်ဆင့် စာပို့ပြီး သတင်းစကား ပါးရသည့် ခေတ်မဟုတ်တော့ အင်တာနက်ခေတ်တွင် အားလုံးက မြန်မြန်ဆန်ဆန် လွယ်လွယ်ကူကူ။

သို့သော် တစ်ခေတ်တစ်ခါက စာချွန်တော်များအကြောင်းမှာ အမှတ်ရစရာများလှသည်။ အတိတ်၏ လွမ်းမောဖွယ်များပင်။

ယခုအပတ် ‘ဓလေ့ သမိုင်း’ အစီအစဉ်တွင် စာချွန်တော်များအကြောင်း ကိုဖော်ပြပေးလိုက်ပါသည်။