Es amusant de veire que de produits de consomacion fòrça basics a l’ora d’ara foguèron primièr considerats coma de potingas miraculosas. Atal, en mai de la salcissa, de la brica iranja, del rugbi e de l’aeronautica, los tolosans an un autre joièl a ajustar al lor patrimòni : lo cacho !

Per la vòstra informacion, segon lo diccionari de l’academia francesa, lo mot « cacho » ven del portugués cacho que ven quitament del tamoul « kachu » e que designa doncas una substància bruna obtenguda a partir de la fusta de cacho, esséncia d’Índia e de Birmania.

Fa mai d’un sègle, un farmacian de Tolosa integrèt aquel ingredient a las vertuts astringentas dins la recèpta d’un cacho destinat a lutar contra un flèu insidiós que poirís la vida a l’umanitat dins son ensemble : l’halitòsi, o, en termes mens saberuts lo missant alen.

Clamenç nos en dit un boçin mai sus aquel occitan del jorn...

Imatge : Didier Descouens, CC BY-SA 3.0, via Wikimedia Commons

Soutenez-nous sur Patreon et helloasso.com !