【詩名】：曾文溪之歌

【作者】：劉惠蓉

【詩文】：

上在地的麻油 雞酒芳

踅過七股海墘，

感謝抐桮伴我

斡入台江看海翁

我無大腹響亮的歌聲，

甘焦恬恬仔綴溪流

一聲一聲聊聊仔唱

唱出向時懷念的記持

譜寫未來的世界

曾文溪是我的名，

南台灣的土地咱做伙行

這條溪水行過偌濟

向望的歌詩

流湠上媠的故鄉味

溪水一部一部的故事

是咱生活中深深的情佮愛

曾文溪水聲聲霆

空中伴恁幸福莫操煩

歌聲永遠綴溪水流

註：台語文用字尊重作者原創，不做更動，如有疑問請查詢教育部《臺灣閩南語常用詞辭典》網站。