O vicepresidente da Deputación de Pontevedra, Cesáreo Mosquera, amosouse en desacordo total co trasvase de auga desde o río Verdugo ao encoro de Eiras e avogou por unha revisión da rede de abastecemento de auga de Vigo que presenta un importante déficit e unha perda do 30-40% sobre o caudal de auga captada. Sinalou que ese debería ser a medida previa antes que calquera outra para solventar o problema de abastecemento de auga á cidade olívica nos momentos de seca.