Сите сме биле таму. Долг ред во пошта, маркет или на шалтер за административни услуги. Луѓето се вртат, воздивнуваат, нервозно проверуваат телефони. Некој потпира рака на колкот, друг тропка со ногата. Погледите им се вкопуваат во оној што е на ред, како со сила да можат да го забрзаат процесот.Чекањето во ред е секојдневна појава, но и еден од најголемите тестови за трпение. Современиот човек е навикнат на брзина – брза храна, брзи пораки, брзи решенија. Но, редот не прашува дали ти се брза. Само стоиш и чекаш.