Katika Maisha, uwezo wa kustahimili mabadiliko kadri muda unavyosonga ni moja ya vipengee ambavyo huashiria udhibiti na ukomavu. Mila na tamaduni ya Kimaasai, ni mojawapo ya tamaduni zilizoweza kustahimili mabadiliko kwa miaka na mikaka na kusalia imara hadi katika ulimwengu wa sasa. Hata hivyo kuna baadhi ya mambo ambayo yalishindwa kustahimili joto la mabadiliko, na hivyo kulazimika kudondoshwa au kubadilishwa. Utandawazi na Maisha ya ulimwengu ya kisasa yaliyojikita katika masuala ya teknolojia, pia ni jambo ambalo limechangia kwa kudidimia kwa mil ana tamaduni, hasa jinsi mahusiano ya wanajamii yanaendelezwa. Ingawa teknolojia imerahisisha mambo, mahusiano ya moja kwa moja kati ya wanajamii yamepungua. Iwapo una malalamishi yoyote kuhusiana na Makala haya Wasiliana nasi, au uwasiliane na John Waicua kwa barua pepe [email protected]

Kutokana na hali ya jamii hii ya Maa kuegemea sana taasubi za kiume, kulikuwa na njia maalum ya kutangaza uwepo wa mwanume katika boma Fulani. Wanaume walitumia fimbo au mikuki hasa kwa vijana wa Morani, kuashiria uwepo wao katika boma, ili kumjulisha mwanaume mwingine kwamba kuna mwanaume mwingine kabla hajafika mlangoni. Katika tamaduni ya kimaasai, ndoa ilikua njia kubwa ya kuunganisha koo mbalimbali, na kuhakikisha kwamba jamii inaendelea kusimama imara. Kutokana na sheria zilizowekwa ili kuzuia ndoa kati ya watu wenye damu moja, wanajamii hasa wanaume walifaidi pakubwa na kupanuka kwa uhusiano kati ya koo mbalimbali, kwani walipata hakikisho kuwa wangepokelewa eneo lolote bila tatizo. Iwapo una malalamishi yoyote kuhusiana na Makala haya Wasiliana nasi, au uwasiliane na John Waicua kwa barua pepe [email protected]

Baadhi ya wanaume waliochukuliwa kama mashujaa walikua na nafasi rahisi kwani wazazi wengine waliwaleta wana wao ili waolewe na shujaa huyu. Wazazi wengine pia walijishughulisha kwa kiwango kikubwa katika kuwatafutia wana wao wake.

Morans hurejelea vijana ambao wamepitia desturi ya kutoka ujana hadi utu uzima. Hii ni hatua muhimu katika utamaduni wa Wamasai.

Katika jamii ya kimaasai, hafla yoyote iliyoashiria mwanzo mpya, iliandamana na shughuli za kunyoa nywele na kubadili mavazi, ishara kamili kwamba mmoja amekubali kuyaacha yale ya zamani na kukumbatia Maisha mapya.

Baadhi ya mambo mengine ambayo vijana hawa walipaswa kutekeleza, yalitokana na mafunzo waliyopokea au kwa kutazama yale wazee na wanaume wengine katika jamii hii walikua wakitenda.

Jukumu la malezi ya Watoto katika tamaduni na jamii ya kimaasai, lilikua jukumu la wanajamii wote, kuanzia kwa wazazi wa mtoto, jamaa wa karibu, Watoto wenzake na hata jamii nzima kwa ujumla.

Katika siku ya kupewa jina kwa mtoto, familia ya mtoto ilitafuta msimamizi wa mwana wao, aliyekuwa wa jinsia moja na mtoto mwenyewe aliyefaa kutoka katika familia au ukoo tofauti na mtoto mwenyewe. Msimamizi huyu alifaa kuwa mtu mwenye maadili mema na aliyekuwa wa kupigiwa mfano na wanajamii wenzake, na ndiye alitekeleza jukumu hili katika hafla iliyojumuisha pia kumchinja kondoo.

Ili kuwa na kizazi cha siku za usoni, Watoto huwa kiungo muhimu katika kila jamii. Katika jamii ya kimaasai, Watoto walianza kulindwa wakiwa katika tumbo la mama, na hivyo kina mama wajawazito waliangaziwa kwa njia tofauti wakilinganishwa na wanajamii wengine. Baada ya kujifungua, jamii ya wamaasai ilikua na njia ya kipekee ya kuwakaribisha Watoto katika jamii, mama akihusishwa kwa kiwango kikubwa katika safari ya kwanza ya mwanawe ulimwenguni, hivyo basi, Utunzanji wa mama aliejifungua pia ulitiliwa maanani ili aweze kurejea katika ukamili wake. Kwa malalamishi yoyote kuhusiana na Makala haya Wasiliana nasi.

Uwezo wa wanawake katika jamii hii, ulidunishwa sana, kwani jamii ya wamaasai iliwainua wanaume zaidi na hivyo kuwaona wanawake kama wasio na uwezo wa kuwa viongozi