Colloquia apud Recentiores

Tracto nonnulla desumpta ex praefatione operis "Novum Organon" a Francisco Bacone scientiarum perito necnon fere poeta scripti.

Loquor cum Petrarca de epistula sua, III.19 in libro epistularum familiarium, de pertinacia spei humanae.

Prima schola de opere quodam miro iucundissimoque, cui nomen “Somnium Kepleris.”

Haec emissio certe crassa Minerva facta est: malo plures emissiones et frequentius, licet non polite confectas, praebere quam emissiones politas rarissime in lucem edere.

In qua emissione lego, enodo et commentaria facio de aliquibus excerptis ex litteris ab Tychone Brahe ad Johannem Keplerem scriptis.

Haec emissio auscultari potest sine praeparatione, sed verisimiliter plus et fructus et sensus ex ea carpseritis si priorem emissionem de re publica literaria his ipsis temporibus nobis restauranda auscultatis.

Exhortor: artibus nostris exerceamus, computatris nostris cantemus, ex operibus praedelectis recitemus, omnia pulchra describamus et exprimamus quae nunc ipsum, tempore pestilentiae et maeroris et isolationis, etiam nunc videmus. Deinde computatris placatis mittamus opera nostra inter nos, commercium rei publicae imaginariae ubique instituamus, fundamenta salutis mentalis his insolitissimis temporibus iaciamus.

Rationem nominis seriei explico - et quidem aliter quam in animo habebam, pestilentia complures nostrum domi manere cogente. Propositum meum emissiones frequentius, sed minus politas et paucioribus adnotationibus confectas in lucem edendi, solacii causa, etiam explico.

Quo peto sententias et desiderata vestra quae ad hanc seriem Podcastitatis attinent et resumen huius septimanae facio.

In quo nuntio ea quae constitui hac hebdomade facere (saltem quae ad hanc seriem Podcastitatis attinent) et commentaria vestra ad seriem meliorem et utiliorem reddendam peto.

Hac in emissione offero notiones et sententias meas de conceptu et ratione huius seriei.

Hac in prima emissione contemplor neque praebeo causas cur tandem excogitaverim hanc seriem et narro fabulam de coniunctione mea cum lingua Latina et Latinitate, qualis fuerit et sit et qualem spero fore vel fore posse et mihi et aliis qui et delectantur et perturbantur hac disciplina et historia eius.