En il format nov da Cuntrasts cun il titel «CRASS» As envidain ad in gir tras ils precipizis dal sistem mobing. Victimas laschan reviver lur regurdanzas dolurusas a las schicanas permanentas e sistematicas. Persunas spezialisadas dattan scleriment davart ils mecanissems da mobing e tgi che daventa victima e tgi iniziant dal mobing, e nus As faschain entrar en il mund anonim e brutal dal cybermobing. Mobing capita mintga di, dapertut. Mintgina e mintgin po esser pertutgada, tuttina èsi anc adina in tema da tabu. Temp ed ura da vesair las realitads.