ဟောင်ကောင်ဂျက်မ အဖြစ်နဲ့ လူကြိုက်များခဲ့သလို The Lady ဇာတ်ကားမှာ ဒေါ်အောင်ဆန်းစုကြည်အဖြစ် သရုပ်ဆောင်တော့လည်း အသိအမှတ်ပြုခံခဲ့ရတဲ့ မီရှဲလ်ယို ဟာ The Lady ရဲ့နောက်ဆက်တွဲအဖြစ် နောက်ထပ်ဇာတ်ကားတစ်ကား ရိုက်ခွင့်ရနိုင်ဖို့ကိုလည်း မျှော်လင့်နေသူ ဖြစ်ပါတယ်။ 

သူမအနေနဲ့ ဒေါ်အောင်ဆန်းစုကြည်အဖြစ် ထပ်သရုပ်ဆောင်ခွင့်ရချင်သေးတယ်လို့လည်း မီရှဲလ်ယို က ပြောကြားထားပါတယ်။

ဟောလိဝုဒ်မှာ ထိပ်တန်းတစ်နေရာရောက်အောင် အခက်အခဲများစွာ ရင်ဆိုင်ကျော်ဖြတ်ခဲ့ရသလို အခုဆိုရင် ရွှေကမ္ဘာလုံးဆုရှင်အဖြစ်နဲ့ပါ မှတ်တမ်းသစ် ရေးထိုးလိုက်နိုင်ပြီဖြစ်တဲ့ မီချယ်လ်ယိုရဲ့ ဘဝဖြတ်သန်းမှု အကြောင်းကို Dawei Watch ရဲ့ အောင်မြင်ကျော်ကြား အမျိုးသမီးများကဏ္ဍမှာ တင်ဆက်ပေးလိုက်ပါတယ်။