Deep Parenting

Deep Parenting-ի այսօրվա հյուրն է Փեփրոնե Բադալյանը։ Զրուցում ենք ընտանիքի, սիրո և երեխաների դաստիարակության մասին։ Քննարկում ենք՝ ինչպես երեխային փոխանցել արժեքներ՝ առանց սեփական անձը կորցնելու, հաղթահարել գերազանցիկի սինդրոմը և կառուցել առողջ հարաբերություններ՝ հարգելով երեխայի անհատականությունն ու սեփական կյանքը։

Deep Parenting-ի այսօրվա հյուրն է Հասմիկ Միրումյանը։ Զրուցում ենք մայրության իրական կողմի մասին՝ մեղքի զգացումից ու ամեն ինչ հասցնելու ցանկությունից մինչև սեփական երազանքները պահպանելն ու երեխայի հետ միասին զարգանալը։ Քննարկում ենք՝ ինչպես առաջնահերթություններ սահմանել, օգնություն խնդրել, հաղթահարել դեկրետի ընթացքում առաջացող դժվարությունները և մեծացնել լավ մարդ՝ առանց սեփական անձը մոռանալու։

Deep Parenting-ի այս թողարկման մեր հյուրն է Լիլիթ Բլեյանը։ Զրույցի ընթացքում խոսում ենք մոր և երեխայի հարաբերությունների, անվերապահ սիրո, վստահության ու երեխային սեփական անհատականությամբ ընդունելու մասին։ Քննարկում ենք՝ ի՞նչ է ծնողը տալիս երեխային և ի՞նչ է ինքը ստանում երեխայից, ինչպես հարգել երեխային, չչարաշահել ծնողական իշխանությունը և ընկեր լինել՝ չկորցնելով ծնողի դերը։

Այս թողարկման մեր հյուրն է Վիկա Մինասյանը։ Զրույցում խոսում ենք ծնող լինելու, երեխայի հետ խորը կապ ստեղծելու և դաստիարակության տարբեր մոտեցումների մասին։ Քննարկում ենք փափուկ ծնողավարությունը, ծնողի գիտելիքի, ինտուիցիայի և վարքագծի հավասարակշռությունը, երեխայի հետ շփման մեջ տաբու թեմաները և այն, թե ինչ է ծնող լինելը տալիս ու խլում մեզնից։

Deep Parenting-ի այս թողարկման հյուրը Նելլի Խաչատրյանն է։ Զրուցում ենք երեխայի կրթության ու զարգացման միջավայրի մասին՝ սկսած մանկապարտեզից մինչև դպրոց և համալսարան։ Ինչպե՞ս հասկանալ՝ մանկապարտեզը լավ միջավայր է երեխայի համար, ինչպե՞ս նկատել, որ երեխան կարող է վնասակար վերաբերմունքի կամ միջավայրի բախվել, և ինչի՞ վրա պետք է ուշադրություն դարձնեն ծնողները։

Deep Parenting-ի այս թողարկման հյուրը Արևիկ Համբարձումյանն է։ Զրուցում ենք ծնող լինելու այն կողմերի մասին, որոնց մասին հաճախ քիչ են խոսում։ Ինչպե՞ս չստեղծել երեխայի համար արհեստական խնդիրներ, ինչո՞ւ ենք երբեմն փորձում մեր չլուծված հարցերը փոխանցել կամ «բուժել» երեխաների միջոցով և ինչպե՞ս չկորցնել սեփական կյանքը ծնող դառնալուց հետո։

Deep Parenting-ի այս թողարկման հյուրը Արևիկ Ուդումյանն է։ Զրույցի ընթացքում խոսում ենք երեխաների հետ առօրյայի, ամուսինների համար առանձին ժամանակ ունենալու և մեծ ընտանիքի գաղափարի մասին։ Անդրադառնում ենք դեռահասության տարիքին, ծնողների սպասելիքների ու իրականության տարբերությանը, տղա և աղջիկ երեխաների դաստիարակության առանձնահատկություններին և յուրաքանչյուր երեխայի նկատմամբ անհատական մոտեցման կարևորությանը։

Deep Parenting-ի այս թողարկման հյուրը Աննա Սարկիսյանն է։ Զրույցի ընթացքում խոսում ենք երեխայի և մարդու ներուժի, ցավից ծնված մոտիվացիայի և դժվարություններից հետո կյանքը վերականգնելու մասին։ Անդրադառնում ենք նաև երեխային ճիշտ ընտրություններ կատարելու հարցում աջակցելուն, անձնական սահմաններին և սեփական կյանքը վերահսկողության տակ վերադարձնելուն։ Խոսում ենք այն մասին, թե ինչպես սկսել փոփոխությունները նույնիսկ ամենադժվար իրավիճակներում և ինչպես այդ ճանապարհին օգնել նաև երեխային։

Deep Parenting-ի այս թողարկման հյուրը Վարդուհի Սուքիասյանն է։ Զրուցում ենք հայկական դաստիարակության առանձնահատկությունների, մայրիկի ներքին ուժի մասին և, թե ինչպես կարող ենք մեր ուժն ու վստահությունը փոխանցել երեխաներին։ Խոսում ենք երեխայի ներքին ձայնը լսելու, նրան չճնշելու, զայրույթը ճիշտ արտահայտելու և սահմաններ պահելու կարևորության մասին։

Deep Parenting-ի այս թողարկման հյուրը Նազենի Հովհաննիսյանն է։ Զրույցի ընթացքում խոսում ենք ծնողների դերի, երեխաների դաստիարակության և ընտանիքում ձևավորվող արժեքների մասին։ Քննարկում ենք, թե ինչն է երեխան ստանում մայրիկից և հայրիկից, ինչպես խոսել երեխաների հետ, ինչու է կարևոր ոչ միայն սահմաններ դնել, այլև բացատրել դրանց պատճառը, ինչպես նաև անդրադառնում ենք երեխաների պատասխանատվությանը, գումարի հանդեպ վերաբերմունքին: