Den 10. November 1918, am Virfeld vum Armistice, mat deem den Éischte Weltkrich op en Enn goung, koum et an der Stad Lëtzebuerg zur Schafung vun engem Aarbechter- a Bauererot, engem Sowjet, no russesch-däitschem Virbild. Firwat deemools eng revolutionär Beweegung zu Lëtzebuerg entstanen ass, wéi eng Ziler se hat a wéi eng Auswierkungen op Politik a Gesellschaft dës Beweegung virun 100 Joer hat, analyséiert den Zäithistoriker Jacques Maas.