Güftekâr: İsâ Mahvî Efendi Hz.

Bestekâr: Abdulmecîd Yılmaz

Derdmendim mücrîmem, dermâna geldim yâ Rasûlallâh,

Sâilem muhtacınem, ihsâna geldim yâ Habîballâh.

Kâ'be'yi vaslın yolunda sâ'y edüp, düşdüm garîb,

Gayri nem var, cânımı kurbâne geldim yâ Rasûlallâh.

Nâr-ı hasret câna geçti, cân alıp cânım fedâ,

Aşk ile dîdârını seyrâna geldim yâ Rasûlallâh,

İntisâb-ı zât-i pâkin afv-i cürmüme sebep,

Asitâne-i rahmet-i Rahmân'a geldim yâ Rasûlallâh.

Aklı küllüm aldı elden, râh-ı Hakk düşmanları,

Baş açık yalın ayak, dîvâne geldim yâ Rasûlallâh.

Varlığım zenbin bırakdım, kenz-i rahmet bulmağa,

Ben mücerred, Sen şefâ'at-kâna geldim yâ Rasûlallâh.

Etme Mahvî bendeni rêd, ey şefâ'at menbâı,

Sen gibi ihsânı çok, Sultân'a geldim yâ Rasûlallâh.