黑色趣味是一種予人想欲笑閣笑袂出來的笑詼，這齣「最後一個平安夜」（https://www.youtube.com/watch?v=5vg15qSmnwU）

的電影就是這款趣味。尤其佇這馬猶閣無一個政府敢來宣佈講免閣管制矣，會使恢復正常生活的疫情期間，咱敢有法度做會夠親像電影內面彼個叫做Art的查甫囡仔仝款？

電視台、網路頂，規工放送的攏是政府、專家的講法，身軀邊的大人嘛干焦知影接受佮相信，對家己未來的生存權利一點仔攏無主張。Art問伊身軀邊的大人，教怹數學的老師就有講毋對的時陣，是按怎政府佮專家一定對？無定著有人做實驗的時陣踅神去，做出來就毋對矣！伊無想欲放棄，伊無愛跟大家仝款去食藥仔死。

電影看煞，我干焦想到這馬的預防射，政府是叫咱對二筒三筒四筒直直注起哩，若是電影內底彼個查甫囡仔Art一定會問講：按呢敢對？