D’Lydie Salvayre, déi 2014 de Goncourt krut mat hirem Roman “Pas pleurer”, an déi méi wéi eng Kéier zu Gaascht bei Voix d’Auteurs war, ass nees d'Invitée vum Jean Portante. Dës Kéier awer net mat engem Roman, mee mat engem Buch, an deem Recht op d'Faulenze gefuerdert gëtt. “Depuis toujours nous aimons les dimanches” ass den Titel. Eng Od un d’Lidderegkeet, géint d'Aarbecht, déi d'Mënschen alienéiert, mat, als zentral Revendicatioun, den detournéierte Slogan vun engem fréiere franséische President: “Travailler moins pour lire plus”.